Psykososialt arbeid med barn og unge

Studieinnhald

 Studiet inngår som eit tiltak i Regjeringa sin strategiplan for barn og unge si psykiske helse, og er eit oppdragsstudium frå Helsedirektoratet. Vi tar atterhald om finansiering frå direktoratet.

Du lærer om

• barn og ungdom si psykiske helse, risiko og motstandsfaktorar
• forhold i lokalsamfunn, barnehage/skule, helse og sosialtenesta som fremjer god psykisk helse
• ulike psykososiale problem og psykiske lidingar, og korleis identifisere og kartlegge slike forhold
• samhandling med barn og ungdom og deira foreldre/føresette
• helsefremmande og sjukdomsførebyggande arbeid
• tverrfagleg samhandling og lokalt prosjektarbeid

Dersom du er kommunalt tilsett, kan kommunen søke tilskot til dekking av lønskostnader i samband med vidareutdanninga.  

Studieplan

I studieplanen finn du informasjon om korleis studiet er bygd opp, oversikt over emne, pensum med meir. Les den! 

Undervisningsmåtar

 Du lærer gjennom forelesingar, rollespel, oppgåveskriving, prosjektarbeid og gruppearbeid. Undervisninga er organisert med tre samlingar á fire dagar per semester. I tillegg skal du delta i 40 timar grupperettleiing. 

Mellom samlingane vil kommunikasjonen gå føre seg ved hjelp av e-læringsverktøyet Fronter.  

Opptakskrav

• Bachelorgrad (180 studiepoeng) i barnevern, helse og sosialfag, medisin, lærar, førskulelærar, pedagogikk, politiarbeid eller psykologi. Søkjarar med anna relevant høgare utdanning på tilsvarande utdannings- og praksisnivå kan etter særskilt vurdering bli tatt opp.
• To års relevant yrkespraksis frå direkte arbeid med barn og/eller ungdom etter fullført utdanning, eller at noverande stilling er knytt til barne- og ungdomsarbeid med minimum 50%.

Begge krava må vere oppfylt.