Vernepleie, samlingsbasert deltid
Ønsker du å legge til rette for god livskvalitet for menneske med spesielle behov? Bachelor i vernepleie gir deg både miljøterapeutisk og helsefagleg kompetanse til å arbeide med menneske med samansette funksjonsvanskar. Deltidsstudiet er samlingsbasert, med vekesamlingar.
Studieinnhald
Studiestart er januar 2016.
Brukarane du jobbar med som vernepleiar kan vere personar med psykisk utviklingshemming eller funksjonshemming, eller personar i psykiatrien og eldreomsorga.
I studiet lærer du
- å sjå og forstå behov hjå menneske med samansette funksjonsvanskar
- å analysere etiske problemstillingar
- å kommunisere og samarbeide med brukarar, pårørande og samarbeidspartnarar
- å planlegge og sette i verk tiltak for brukaren si deltaking i samfunnet
Du har tverrfaglege emne som miljøarbeid, habilitering og rehabilitering, helsefag, psykologi, jus, samfunnsfag og pedagogikk.
Studieplan
I studieplanen finn du informasjon om korleis studiet er bygd opp, oversikt over emne, pensum med meir. Les den!
Undervisningsmåtar
Studiet er samlingsbasert, med rundt fem vekesamlingar per semester. Du lærer gjennom forelesingar, seminar, presentasjonar, praktiske øvingar med meir. Du får tett oppfølging gjennom heile studiet.
Ein tredjedel av studiet er praksis.
Veit du at du også kan ta studiet på heiltid?
Fakta om studiet
- Studiestad:
- Sogndal
- Studielengd:
- 4 år deltid
- Studiepoeng:
- 180
- Nivå/grad:
- Bachelor
- Opptakskrav:
- Generell studiekompetanse eller realkompetanse.
- Krav om politiattest
- Studiekode:
- 216 061
- Søknad frå:
- 01.09.2015
- Søknadsfrist:
- 01.11.2015