Dette er eit 30 studiepoengs tilbod til dei som har fullført grunnstudiet og påbyggingsstudiet i folkekunst og som ynskjer kunnskap innanfor eit nytt materialområde og eit nytt handverk. Du kan velje mellom materialområda tre, metall og tekstil. Du tileignar deg kunnskap og ferdighetar ved å arbeide med formgjeving av gjenstandar som har feste i lokal formkultur. Gjennom teori og praksis får du ein heilskapeleg forståing av lokal folkekunst.
Delemna i studiet:
Veksling mellom forelesingar, prosjektarbeid, individuell rettleiing på verkstad, seminar, kurs og og ekskursjonar. Undervisninga er stort sett lagt til faste vekedagar, men kan i periodar bli meir konsentrert. Det blir arrangert ein lengre obligatorisk studietur.
Fleire tidlegare studentar ved Institutt for folkekultur i Rauland arbeider med undervisning i ulike skuleslag, og nokon kombinerer det med eiga utøving som musikar eller handverkar. Avhengig av fordjuping, kan ein arbeide som formidlar i kultursektoren, folkemusikkarkivar, husflidskonsulent m.m. Gjennom studiet blir mange studentar del av
eit internasjonalt nettverk innan folkemusikk og folkekunst, som dei kan ha nytte av vidare i si karriere. Utdanninga kan kombinerast med anna høgare utdanning innom kulturarbeid eller inngå som del av ein 4-årig allmennlærarutdanning eller ein bachelorgrad. Studiet kvalifiserer for opptak til Tradisjonskunst, master.
Copyright © Høgskolen i Telemark
