Folkemusikk II er eit eittårig påbyggingsstudium der du kan fordjupe deg i folkemusikken og bli i stand til å formidle den. Studiet har ein fellesdel og ein fordjupingsdel, kvar på 30 studiepoeng. Fellesdelen tek opp folkemusikken som kulturpolitisk og historisk fenomen, og i fordjupingsdelen kan du velje mellom utøvande og allmenn formidling
eller arkiv- og innsamlingsarbeid.
Valfag i spesialiseringsdelen:
Hovudemna i fellesdelen:
Forelesingar, gruppearbeid, sjølvstudium og praksisprosjekt med rettleiing. Du får individuell rettleiing i fordjupingemnet og det skriftlige prosjektarbeidet. Det er lagt inn ein obligatorisk studietur til utlandet.
Fleire tidlegare studentar ved Institutt for folkekultur i Rauland arbeider med undervisning i ulike skuleslag, og nokon kombinerer det med eiga utøving som musikar eller handverkar. Avhengig av fordjuping, kan ein arbeide som formidlar i kultursektoren, folkemusikkarkivar, husflidskonsulent m.m. Gjennom studiet blir mange studentar del av eit internasjonalt nettverk innan folkemusikk og folkekunst, som dei kan ha nytte av vidare i si karriere. Utdanninga kan kombinerast med anna høgare utdanning innom kulturarbeid eller inngå som del av ein 4-årig allmennlærarutdanning eller ein bachelorgrad. Studiet kvalifiserer for opptak til Tradisjonskunst, master.
Copyright © Høgskolen i Telemark
