Studenten skal analysere kulturelle og sosiale prosessar knytt til barn og ungdom, og skal kunne gjere greie for og nytte denne kunnskapen i konkrete døme på praktisk arbeid. Studentane skal utvikle kompetanse og evne til å vurdere ulike kulturprosjekt og barne- og ungdomspolitiske tiltak.
Forelesingar og seminar over to semester, fagturar, framleggingar av skriftleg arbeid for godkjenning og munnlege øvingar.
Det er krav om 80% deltaking på timeplanlagde seminar/prosjekt. Ved meir enn 20% fråver vert det halde ei munnleg prøve i pensum. Obligatorisk deltaking på alle felles fagturar for heile årskullet. Ved manglande deltaking må studenten skrive ein rapport som tek føre seg det faglege innhaldet for turen. Det er ikkje eit krav at studentane skal vere til stades ved all undervisning. Ein rår likevel til at undervisninga blir følgt regelfast.
Faget inneheld desse tema:
Barndom, ungdom og sosialisering: Den historiske utviklinga av barne- og ungdomsrolla. Generell innføring i einskilde sosialiserings- og utviklingspsykologiske teoriar.
Barne- og ungdomskultur: Den historiske bakgrunnen for barn og unge si stilling i familien og i samfunnet, oppvekstmiljø og tilvære for barn og ungdom, fritidsmønster, livsstil, leik og deltaking i kulturelle aktivitetar m.m. Aktuelle tema som t.d. media, rus, vold, det fleirkulturelle samfunnet, vil bli drøfta i samanheng med teoriar om samfunnsmessige tilhøve.
Offentleg barne- og ungdomspolitikk: Oversikt over kulturtiltak som rettar seg mot barn og ungdom, både i regi av det offentlege og av dei friviljuge barne- og ungdomsorganisasjonane.
Kulturformidling og kulturarbeid: Tema knytt til kulturarbeidaren si rolle i praktisk arbeid med barn og unge. Studenten skal sjølv medvirke til å knytte teoretiske kunnskapar til praktiske døme (t.d. kulturprosjekt som involverer barn og unge, kunst- og kulturformidling til barn, fritidstiltak blant unge). Undervisninga tar utgangspunkt i konkrete døme på slike prosjekt som det er skrive om i pensumlitteraturen eller vitja på fagturar.
Obligatorisk skriftleg oppgåve som tel 40 % av samla karakter. Skriftleg individuell 5-timars eksamen som tel 60 %. Graderte karakterar. Både oppgåve og slutteksamen må vere bestått for å få bestått karakter i emnet.
Copyright © Høgskolen i Telemark
