Forskargruppa for praktisk økologi og bevaringsbiologi ved NTNU Vitskapsmuseet i Trondheim består av botanikarar og zoologar ved Seksjon for naturhistorie som driv både grunnforsking og nytteforsking innan bevaringsbiologi, ferskvassbiologi, vegetasjons- og populasjonsøkologi og biogeografi.
Meir om forskingsprosjekta finn du ved å gå inn på menyvala til venstre. Sjå også seksjonen sine årsmeldingar for dei siste åra.
Utgreiing og nytteforsking innan biologisk miljøproblematikk
Heilt sia 1969 har NTNU Vitskapsmuseet påteke seg oppdrag innan biologisk miljøproblematikk. Eit laboratorium for ferskvassøkologi og innlandsfiske (LFI) vart da tilknytt daverande Zoologisk avdeling, og på same tid starta også dei første botaniske oppdragsundersøkingane. Frå først på 1970-talet har vi hatt terrestriske oppdragseiningar både innan zoologi og botanikk. NTNU Vitskapsmuseet, Seksjon for naturhistorie har i dag eit utgreiings- og forskingsmiljø som blant anna tek sikte på å hjelpe ulike offentlege myndigheiter innan stat, fylker, fylkeskommunar og kommunar med miljøkonsekvensanalysar. Vi tek også på oss forskings- og utgreiingsoppgåver (FoU) i samband med planlagde naturinngrep frå interesserte private bedrifter m.m.
Les mer om Utgreiing og nytteforsking ...
Kontaktinformasjon og åpningstider Seksjon for naturhistorie
