http://www.sft.no/nyheter/dbafile1289.html

14.01.99

Åtvarer mot mjuke plastleikar til småbarn Ei stikkprøve SFT har gjennomført viser at 80 prosent av leikar av mjuk plast kan innehalde mjukemiddel (ftalater), som kan gi uheldige langtidsverknader for helse og miljø.  - Det er ikkje påvist at mjuke plastleikar fører til helseskade, men for å vere på den sikre sida åtvarar me mot denne typen leikar til små barn under 3 år, seier SFT-direktør Håvard Holm.   SFT er føre-var når det gjeld mjuke plastleikar fordi så små barn som regel puttar desse leikane i munnen, og då kan dei få i seg ftalater. Stoffgruppa ftalater er ikkje kjemisk bunde til plasten, og når barna tygg og syg på mjuke PVC-produkt vil ftalata kunne bli frigitt. SFT utarbeider no ei forskrift som skal forby ftalater i leikar og småbarnsprodukt, og stikkprøva er ein del av forarbeidet til forskrifta for å finne ut om produkta er på den norske marknaden. Av 15 undersøkte plastbadedyr, plastbadebøker og mjuke biteringar var det 12 som inneheldt ftalat. Tre av dei analyserte leikane inneheldt ikkje ftalat. Dei undersøkte produkta er rekna for å vere representative innanfor kvar sitt produktområde. - Når så mange som 12 av 15 undersøkte mjuke leikety inneheldt ftalat, reknar me med at mange mjuke plastleikar inneheld ftalater, seier Holm. Det er påvist at fylgjande produkt inneheld frå 25 til 40 prosent ftalater: Merkenamn/ produsent Varenamn Produkt- informasjon Pozy bäbies/pipdjur vinyl biteball med tapper/bitemine Safety Toys   badekar med ender og baderingar Pozy bäbies/badanka vinyl badeand Kiki.Joy Squeaky toy badeand Playwell Duck Family stor badeand med småender Chicco Softy badesel Baby Consept Jack & Jill badebok Litor Badeboka mi badebok Brio Baby badebok Shelcore Water Toy/Squirtees mjukdyr, klemmedyr Shelcore Sea World/Baby Shamu badehai Mattel Disney/Winnie the Pooh (Nasse Nøff) Ftalater blir brukt for å gjere PVC-plasten mjuk og har i lang tid vore brukt som mjukgjerar i plast. I seinare tid har det kome opplysningar som kan tyde på at ftalater kan vere skadeleg for reproduksjon, ha hormonhermande effekt og vere kreftframkallande.

Tips en venn             Utskriftsversjon             Abonner på SFTs nyheter per e-post

Send tipset til:		Din e-post:
Din melding:

Statens forurensningstilsyn (SFT)

Strømsveien 96, Postboks 8100 Dep, 0032 Oslo | Tlf: 22 57 34 00 | Faks: 22 67 67 06 | E-post: postmottak@sft.no