|
Under årsmøtet til HIFO i 2007 vart ordninga med kollektivt abonnement på Historisk Tidsskrift (HT) vedteke. Medan medlemmar av HIFO tidlegare fekk rabatt på HT-abonnement, blir nå tidsskriftet ein integrert del av medlemskapen. Dette gjeld både for vanlege medlemmar og studentmedlemmar. Kort fortalt vil dette føre til at kostnadane med å halde HT blir monaleg billegare, men samstundes får dei som i dag ikkje har HT eit samla sett dyrare medlemskap.
Vedtaket får såleis konsekvensar for alle medlemmane i HIFO: Dei som i dag ikkje har HT vil få auka medlemskostnadane frå 400,- til 650,- for vanlege medlemmar, og frå 200,- til 360,- for studentmedlemmar. På den andre sida vil dei som frå før abonnement på HT få redusert kostnadane frå 765,- til 650,- for vanlege medlemmar, og frå 410,- til
360,- for studentmedlemmar.
Dette er dei reine økonomiske konsekvensane, men den viktigaste endringa er sjølvsagt at alle medlemmane av HIFO frå neste år vil få tilsendt HT fire gonger for året. HT er i dag den fremste norskspråklege publiseringskanalen for historikarar. Som lesar av
tidsskriftet vil ein kunne helde seg orientert om nybrottsarbeid innan historievitskapen, følgje faglege debattar og bli oppdatert av mangfaldige bokmeldingar. Kvaliteten på tidsskriftet vil venteleg føre til at også mange av dei som dag vel å ikkje abonnere på HT
vil sjå positivt på nyordninga med kollektivt abonnement.
|
