Kva slags yrkesmuligheiter gir studiar ved Det humanistiske fakultet?

Journalist, forlagsmedarbeidar, tolk, lærer, eksportsjef….. Språk- og kulturkunnskap blir bare meir og meir viktig i vår globaliserte kvardag. Du kan velje mellom fleire studieprogram, som gir deg forskjellige jobbmuligheiter etterpå. Innafor kvart studieprogram er det mulig å ta valfrie emne frå andre fagområde enn dei som programmet hovudsakeleg består av. Du kan for eksempel kombinere språk med økonomi, statsvitskap, bibliotekutdanning, data, jus eller historie.

Ein bachelorgrad innan språk- og kulturfag gir ei rekke arbeidsmuligheiter innan museer og kulturinstitusjonar, som kulturkonsulent, journalist eller kulturjournalist. Med praktisk-pedagogisk utdanning har du eit grunnlag for å jobbe som lærar. Også innan forsking, forlags- og medieverksemd, reklame og offentleg forvaltning vil det være muligheiter for dei som har språk- og kulturfaglig utdanning. Biblioteks- og arkivarbeid og kulturyrke innafor fylkeskommunal og kommunal sektor vil være særleg aktuelle for dei med hovudvekt på kulturfag.

Nedafor har vi lista opp nokre områder innan arbeidslivet der du ofte finn oss ”humanistar”:

- Litteratur- og kulturformidling i TV/radio, presse
- Forlagsverksemd
- Informasjonsarbeid
- Kulturarbeid/muséer/bibliotek
- Internasjonal kontakt, utanriksteneste
- Statleg og kommunal forvaltning
- Kultursamarbeid på Nordkalotten (finsk, samisk, russisk)
- Undervisning i og utafor skoleverket