Duogáš guovddáža ásaheapmái

1999 giđa bivddii Sosiála- ja dearvvašvuođadepartementa Sámi dutkamiid guovddáža guorahallat boahttevaš sámi etnihkalaš medisiinna vuoruheami. Guorahallan lea oassin departementta čuovvoleamis NAČ 1995:6 Dearvvašvuođa- ja sosiálabálvalusat sámi álbmogii Norggas.

Guorahallama čađahii bargojoavku mas ledje ovddasteaddjit sihke Sámi doaktáriidsearvvis ja Romssa universitehta Medisiinnalaš fakultehtas ja Sámi dutkamiid guovddážis. Bargojoavku guđii doahpaga ”etnihkalaš medisiidna” ja geavahišgođii baicca doahpaga ”sámi dearvvašvuođadutkan”.

Dás sáhtát lohkat guorahallama pdf-málle.