|
Kártemin sámi dearvvašvuođabálvalusa
Preassadieđáhus Davvi Dearvvašvuođas/Sámi dearvvašvuođadutkanguovddážis/Sámedikkis:
Ođđa guorahallan galgá kártet sámi gelbbolašvuođa ja fálaldagaid dearvvašvuođa- ja sosiálbálvalusas.
Makkár gelbbolašvuohta lea dearvvašvuođabargiin sámegielas ja sámi kultuvrras? Leat go dearvvašvuođadoaimmahagain doarvái buorit fálaldagat geavaheddjiide geain lea sámi duogáš? Jos ii leat, mot sáhttit buoridit dan?
Dát lea okta dain gažaldagain maid mii jearrat kártenguorahallamis gelbbolašvuođa birra ja dan birra makkár dearvvašvuođafálaldagat leat sámiide Davvi-Norgga dearvvašvuođa- ja sosiálbálvalusas. Guorahallan lea dáid ásahusaid ovttasbargu: Davvi Dearvvašvuohta, Finnmárkku Dearvvašvuohta, Sámi dearvvašvuođadutkanguovddáš ja Sámediggi.
Sierranas suodjalus
Buot ássiin lea vuoigatvuohta oažžut ovttadássasaš dearvvašvuođa- ja sosiálfálaldaga. Sámit leat eamiálbmot ja danne lea sámiin Vuođđolága olis vuoigatvuohta sierranaččat suodjaluvvot ja beassat ovdánahttit sámi kultuvrra, giela ja servodateallima. Dearvvašvuođa- ja sosiál¬bálvalusas sáhttá leat dárbu fágalaččat dahje geavatlaččat heivehit fálaldaga, ja sáhttá leat dárbu dasa ahte bargiin galgá leat ipmárdus ja gelbbolašvuohta sámegielas ja sámi kultuvrras.
Guorahallama bohtosiid vuođul mii plánet ja ovdánahttit dearvvašvuođabálvalusa sámi álbmogii.
Gažadanskovvi
Leat sáddemin gažadanskoviid Davvi Dearvvašvuođa vuollásaš dearvvašvuođa¬doaimmahagaide, suohkaniidda, oahppoásahusaide ja dutkanbirrasiidda, mánáid- ja bearašsuodjalusaide riikkaoasis ja priváhta spesialisttaide.
Sámi dearvvašvuođadutkanguovddáš čađaha guorahallama geavatlaččat, ovttas Davvi Dearvvašvuođain. Bohtosiid almmuhit sihke Davvi Dearvvašvuođa váldoraportta bokte, ja gelbbolašvuođalohagallama bokte man Sámi dearvvašvuođadutkanguovddáš hálddaša.
Eambbo dieđut kártema birra ja gažadanskovvi leat dás www.helse-nord.no, www.samisk-helseforskning.uit.no ja www.helse-finnmark.no.
Oktavuođaolbmot:
Sámi dearvvašvuođadutkanguovddáš:
Anne K. Anti, tlf. 78 46 89 04, e-paosta: samisk.kartlegging@ism.uit.no
Davvi Dearvvašvuohta:
Ingvild Røe, tlf. 75 51 29 09/930 21 551, e-poasta: ingvild.roe@helse-nord.no
Finnmárkku dearvvašvuohta:
Grete Tørres, tlf. 934 63 968, e-post: grete.torres@helse-finnmark.no
Filvedlegg
Infobrev om undersøkelsen (Samisk, Adobe Acrobat dokument)
Infobrev om undersøkelsen (Norsk, Adobe Acrobat dokument)
Spørreskjema for elektronisk utfylling (Word dokument)
Spørreskjema for utskrift (Adobe Acrobat dokument)
|
