Karaktersystem

Karaktersystemet ved norske universitet og høgskolar er todelt:
• eit bokstavkaraktersystem frå A til F, der A er beste ståkarakter, E er dårlegaste og F er ikkje bestått
• eit todelt karaktersystem med verdiane bestått/ikkje bestått

Bokstavkaraktersystemet er slik:

Symbol	Nemning	Generell, kvalitativ omtale av vurderingskriterium
A	Framifrå	Framifrå prestasjon som klart utmerkar seg. Kandidaten viser svært god vurderingsevne og stor grad av sjølvstende.
B	Mykje god	Mykje god prestasjon. Kandidaten viser mykje god vurderingsevne og sjølvstende.
C	God	Jamnt god prestasjon som er tilfredsstillande på dei fleste områda. Kandidaten viser god vurderingsevne og sjølvstende på dei viktigaste områda.
D	Nokså god	Ein akseptabel prestasjon med nokre vesentlege manglar. Kandidaten viser ein viss grad av vurderingsevne og sjølvstende.
E	Tilstrekkeleg	Prestasjonen tilfredsstiller minimumskrava, men heller ikkje meir. Kandidaten viser lita vurderingsevne og sjølvstende.
F	Ikkje bestått	Prestasjon som ikkje tilfredsstiller dei faglege minimumskrava. Kandidaten viser både manglande vurderingsevne og sjølvstende.

Diploma Supplement
Alle kandidatar som har avslutta eit studieprogram ved Universitetet i Tromsø får eit vitnemål med karakterar og eit Diploma Supplement. Diploma Supplement er eit engelskspråkleg vitnemålstillegg som gjev informasjon om graden og studieprogrammet. Dokumentet skal gjera det lettare for kandidaten å presentere utdanninga si internasjonalt, og det er berre gyldig saman med sjølve vitnemålet.

For meir informasjon om vurderingsuttrykk og karakterfastsetjing, sjå eksamensforskrifta.