Side-alternativer
Reisestøtte
ABM-utvikling kan gi tilskot til reiser og stipend til tilsette i arkiv, bibliotek og museum. Tilskot kan bli gitt til:
Deltaking på kurs/seminar i utlandet
ABM-utvikling kan gi tilskot til kurs/seminar som:
- Styrker norsk deltaking i internasjonalt fagleg utviklingsarbeid
- Blir vurdert som viktig for oppbygging av kompetanse på sentrale område
Kurset/seminaret må normalt gå over minst 4 dagar. Søknad skal sendast gjennom eigen institusjon/organisasjon med opplysningar om institusjonens bidrag til reisa og om det er søkt tilskot frå andre finansieringskjelder. Søknaden må vere mottatt i ABM-utvikling seinast to månader før avreise. Organisasjonar som mottar regulært driftstilskot frå ABM-utvikling, kan ikkje søke slik støtte.
Deltaking på kurs/seminar i Sør-Noreg for tilsette i Nord-Noreg
Tilsette i institusjonar i Nord-Noreg som skal delta på kurs/seminar i Sør-Noreg som vert arrangert av ABM-utvikling eller som er støtta av ABM-utvikling, kan søke om å få refundert reiseutgifter som overstig kr 3.500. Det føreset at det blir brukt moglege rabattar og at reisa skjer på billigaste måte. Søknad må være mottatt i ABM-utvikling seinast ein månad før avreise.
Vidareutdanning i utlandet i emne som det ikkje blir undervist i i Noreg
Det kan søkjast om stipend til dekning av meirkostnader ved å studere i utlandet. Søkjarane må ha minst to års praksis i arkiv, bibliotek eller museum. Søknaden må innehalde dokumentasjon av utdanning og arbeidserfaring.
Krav til søknadane
Søknadar kan sendast anten elektronisk eller på papir. Dersom ein vil sende inn på papir må søknaden innehalde følgjande punkt:
- Namn på deltakar, stilling og institusjonstilknyting (evt. organisasjonstilknyting)
- Føremålet med reisa/utdanninga
- Studieplan eller program
- Stad og tidspunkt
- Plan for total finansiering av deltakinga
- Anbefaling frå arbeidsgjevar