Alle verksemdene i spesialisthelsetenesta har etter spesialisthelsetenestelova § 3-3 plikt til å gje melding til Helsetilsynet i fylket om vesentlege pasientskadar og hendingar som kunne ha ført til skade på pasientar. Før meldinga kjem til Helsetilsynet i fylket, er ho vurdert av kvalitetsutvalet ved institusjonen.

Meldingane blir registrerte i eit register (Meldesentralen). Informasjonen blir sortert og oppsummert og går som statistikk tilbake til helsetenesta til bruk i forbetringsarbeidet. Helsetilsynet i fylket følgjer opp institusjonar og einskildmeldinger når det er grunn til det.

 

I 2004 fekk Helsetilsynet i Sogn og Fjordane 3 meldingar frå sjukehusa i fylket om hendingar som har ført til alvorleg skade på pasient.  I tillegg er det meldt 16 hendingar som kunne ha ført til skade på pasientar og 2 meldingar om unaturleg dødsfall. Sistnemnde meldas også til politiet.