|
VEKS er eit: "felles studieopplegg for alle studenter ved Avdeling for helsefag ved Høgskolen i Oslo", og akronymet står for vitskapsteori og forskingsmetode, etikk, kommunikasjon, samhandling, konfliktløysing og stats- og kommunalkunnskap, helse- og sosialpolitikk. Denne tverrfaglege modulen fylte tre år i 2002, og har fått sin eigen evalueringsrapport. Denne blei overlevert til dekan og avdelingsdirektør 15. januar. Rapporten er skriven av Gerd Bjørke som har vore med frå starten av. Nina Haavie har vore pådrivar og er koordinator for heile prosjektet. Ho har tidlegare motteke prisen for godt læringsmiljø for dette arbeidet, meir her. VEKS er det einaste verkeleg tverrfaglege studiet på Høgskolen i Oslo som er gjennomført, har blitt til eit fellesstudium, og er oppe og stabbar og går. Forløparen er kjent som Lille-VEKS og begynte i 1998, denne rapporten omfattar åra 1999-2002. Tre års erfaringar er samla mellom permane, og rapporten peikar også framover mot moglege vidareføringar. Vi gratulerer alle som har vore med sidan dette begynte - og det er mange!  Gerd Bjørke, Nina E. Haavie, Trine Grønn og Aslaug Hafskjold med rapporten |