Uke 34

Se orientering om uke 34

• Journalistens og journalistikkens rolle i samfunnet (med temadag  om kjønn og journalistikk)
• Språk på onsdag

Journalistutdanningen, HiO

INNHALD

Faget mediekunnskap omfattar tre hovedelement: a) etikk, b) jus og c) kunnskap om medias rolle i samfunnet. I første semester legg vi hovudvekta på etikken, i andre semester på jusen, og i fjerde semester er mediekunnskap det sentrale tema.

Tredelinga av faget må ikkje oppfattast altfor bokstavleg. Faget skal skape samanheng og ei djupare forståing av kva journalistikk er. Undervisninga vil heile tida trekke trådar på tvers av semesteremna.

Vi startar med ei veke der vi tek fatt i sentrale omgrep som ytringsfridom og  spørsmål  om  pressas roller i samfunnet. Dette dannar eit nødvendig bakteppe for dei faglege diskusjonane i resten av studiet. Sentrale spørsmål i veka er: Kva er medias oppgåve i samfunnet? Kva rolle har journalisten og journalistikken i samfunnet? Kva er det å gjere godt journalistarbeid? Kvifor er ytringsfridom ein så viktig verdi for media? Kva betyr pressa for utviklinga av demokratiet?

Media speglar samfunnet, men korleis held journalisten  spegelen når han/ho speglar samfunnet? Kva blir stort og kva blir smått? Kva blir viktig? Vi eksemplifiserer og konkretiserer  slike problemstillingar i ein temadag der vi m.a. spør: ’Å ta kjønnsblikket på - kva er det og kva ser du då?’

Kjønn og journalistikk høyrer og til det fenomenet som vi kan kalle marginalisering. Kort sagt, ein prosess som gjer at dei erfaringane som einskilde menneske eller grupper har, blir uinteressante eller perifere. Vi kjem attende til fenomenet marginalisering seinare i haustsemesteret (veke 37).

Målet for undervisninga er ikkje at alle skal bli samde, men å gje kunnskap, tankar og synspunkt  til refleksjon og arbeid med  eigne haldningar og vurderingar.

Vi oppfordrar dykk til å stille kritiske spørsmål og å diskutere med forelesarane

FORELESARANE

Yngve Benestad Hågvar er høgskolelektor ved Journalistutdanninga.

Gro Holm er sjef for nyheitsavdelinga i  NRK.

Erika Jahr er fagmedarbeidar ved Institutt for Journalistikk. Erfaring fra journalistarbeid i aviser og i NRK.

Sonia Jensen  er mastergradsstudent ved JBI/HiO og journalist i Budstikka.

Jørgen Lorentzen er forskar ved Senter for kvinne- og kjønnsforsking. Han er m.a. prosjektleiar for forskingsprosjektet Menn og maskulinitet.

Magnus Marsdal er tidlegare journalist i Klassekampen. No leiar i organisasjonen Attac.

Wenche Mühleisen er forskar ved Senter for kvinne- og kjønnsforsking. Ho arbeidar m.a. med prosjekt om kjønn og seksualitet i fjernsyn og samtidskunst.

Rune Ottosen er professor ved Journalistutdanninga, og sentral pressehistorikar.

Audgunn Oltedal er høgskolelektor ved Journalistutdanninga, og har hovedansvaret for mediekunnskap. Har arbeidd med nyheiter og faktaprogram i NRK.

Finn Sjue er førstelektor ved Journalistutdanninga, og har lang erfaring som aktiv journalist.

OBLIGATORISK OPPGÅVE

Oppgåve 1: Om samfunnsoppdraget

Formålet med oppgåva er å setje i gang ein systematisk refleksjon om medias rolle i samfunnet, med deg sjølv som eksempel. Den endelige oppgåveteksten blir presentert  måndag 22. august. Frist for innlevering av oppgåva er onsdag 24. august kl.0800.

Du må delta i gjennomgang av oppgåva for å få henne godkjent.

PENSUM OG LESERÅD 

Start tidleg i semesteret med å lese faglitteratur. Det er viktig for  å få samanheng i stoffet. Les pensum. Særleg aktuelle artiklar for tema i veke 34 er : Brurås: Etikk for journalister, særleg kap. 1-3. Kapitlet frå Ytringsfrihetskommisjonen og  Rune Ottosen sin artikkel: Journalistenes konfliktfylte lojalitet er sentrale i uke 34. Et generelt råd: Les Ottosen mfl: Norsk Pressehistorie så tidleg som mogeleg i studiet. Den gjev ein samanheng som gjer det mogeleg  å ordne mylderet av detaljar. Les den no, sjølv om den  først står oppført under fjerde semester.

Leseråd til temadagen om kjønn og media :

Narrespeil. Kjønn, sex og medier. Elisabeth Eide (red).

Kjønn og journalistikk i mediene. Erika Jahr (red).

KURSANSVARLEG

Audgunn Oltedal