Studiekvalitet

Delta i evaluering og utvikling
 

Emneutvalet (fagutvalet) er staden for undervegsevaluering av eit emne. Formålet er å justere undervisnings- og arbeidsformene der det er mogleg.

Emneevaluering blir gjennomført når undervisninga i eit emne er avslutta. Resultatet av evalueringa skal brukast til å utvikle emne- og studieplanar.

Programevaluering skjer ved slutten av eit bachelor- eller masterstudium.

Her kan du påverke
 

Studienemnder skal bidra til å sikre kvalitet og utvikling i bachelor- og masterstudium over tid.

Utdanningsutvalet arbeider med studieplanar, pedagogisk og digital kompetanse, internasjonalisering, forskingsbasert undervisning og høgskulen sitt kvalitetssystem.

FoU-utvalet skal styrke, stimulere og utvikle forskings- og utviklingsarbeidet ved høgskulen.

Læringsmiljøutvalet skal sjå til at høgskulen oppfyller krava til eit forsvarleg læringsmiljø når det gjeld helse, tryggleik og velferd for studentane

Høgskulestyret er det øvste organet ved høgskulen. Styret skal sjå til at den faglege verksemda held høg kvalitet, og at høgskulen blir drive effektivt og i tråd med gjeldande lover, forskrifter og reglar.

Engasjer deg!
 

Bli tillitsvald for klassen din ved valet i haustsemesteret. Du kan også stille til val når Studentparlamentet vel nye studentrepresentantar til styre, råd og utval i vårsemesteret.

Studentparlamentet er det øvste studentdemokratiske organet ved høgskulen.

 
Sei ifrå!

Sei ifrå er eit meldesystem der du kan seie ifrå om ting som er bra, ting som bør endrast, uheldige hendingar, brot på rutinar med meir.