|
Bok nr. 5 Ny-Noreg møter Svensk-Finland
Stephen J. Walton
Pris: 100,-
Utgjevingsår : 1999
I samband med Dei nynorske festspela 1998 skipa Ivar Aasen-instituttet til eit seminar med tittelen Ny-Noreg møter Svensk-Finland. Det var den første internasjonale tilskipinga Ivar Aasen-instituttet har stått for. Det var ikkje tilfeldig at det nettopp var finlandssvenskane som først vart inviterte. Dei er naturlege samtalepartnarar for nynorskoffentlegheita og for Ivar Aasen-instituttet reint særskilt. Finlandssvenskane har dessutan vore for lite påakta som samtalepartnarar. Seminaret og denne boka er eit forsøk på å rette på det.
Boka inneheld innlegga til dei fire innleiarane. Desse er Christer Laurén frå Instituionen för nordiska språk, Vasa Universitet/Europäische Akademie Bozen, Jon Peder Vestad, Avdeling for mediefag, Høgskulen i Volda, Jan Terje Faarlund, Institutt for nordistikk og leksikografi, Universitetet i Oslo og John Sundholm, Åbo Akademi. Vidare inneheld boka Stephen J. Waltons presentasjon av seminaret, og den oppsummerande kronikken Walton hadde i Sunnmørsposten i etterkant av seminaret.
|
