|
Bok nr. 7 Litt laust, mest fast
Stephen J. Walton
Pris: 100,-
Utgjevingsår: 1999
Denne boka inneheld sju tekstar frå tida 1997-1999. Dei handlar om trekk ved den nynorske skriftkulturen. Det spørsmålet som heng over dei, er "Kva mogelegheiter har nynorsken i overgangen frå modernitet til ettermodernitet?". Det samla svaret er at de finst verdiar i nynorskkulturen som er verdt å ta vare på, og at det ettermoderne samfunnet gir berarane av nynorskkulturen nisjar der dei har gode sjansar til å gjere nytte for seg. Den som leitar godt her, vil også finne eit ymt om at vi kanskje no er på veg ut av det ettermoderne og inn i det nybarokke. Eller at det nybarokke nettopp er éin av dei ettermoderne nisjane der nynorsken trivst svært godt.
Tre av desse tekstane har ikkje vore prenta før, og éin av dei har vore så godt som utilgjengeleg. Dei tre andre har stått i Dag og Tid, og blir såleis her berga for ettertida frå journalistikkens evige notid.
Stephen J. Walton (f. 1958) tener til livets opphald som professor og instituttleiar ved Ivar Aasen-instituttet ved Høgskulen i Volda og som professor i norsk ved University College London.
|
