 |
 |
 |
 |
| |  |
|
|
Strategi og handlingsplan for ASF 2004-2007 Denne planen skal gje mål, retningsliner og prioriteringar for utviklingsarbeidet ved Avdeling for samfunnsfag for perioden 2004-2007. Planen må på den eine sida ta utgangspunkt i ein del overordna planar som er utvikla for høgskulen som heilskap, og konkretisera desse inn i den daglege verksemda for avdelinga. Planen skal på den andre sida gi uttrykk for korleis ein vil leie utviklinga ved avdelinga for at den - som ei integrert eining ved Høgskulen i Volda - kan vere ein god arbeidsplass for dei tilsette. Samstundes skal den utvikle eigenarten sin til beste for dei ein skal tene, nemleg dei studentane som vel å ta del i utdanningstilboda våre, og den region ein er plassert i. Desse planane er med å gje føringar for ein slik utviklingsplan Strategiplan for Høgskulen i Volda 2000-2003; Handlingsplan for studiekvalitet; Handlingsplan for internasjonalisering 2003-2005; Serviceerklæring; Handlingsplan for studentar med funksjonshemming 2001-2004; Beredskapsplan; Handlingsplan for likestilling 2002-2006; og Retningslinjer for det personalpolitiske arbeidet. Avdeling for samfunnsfag er ei avdeling som er sett saman av tre institutt; Institutt for planlegging og administrasjon (IPA), Institutt for religion, livssyn og kyrkjefag (RLK), og Institutt for sosialfag (ISF). Avdelinga har om lag 45 tilsette, og ca. 1200 studentar, noko som tilsvarar ca. 700 heiltidsekvivalentar. Hovudmålsetjingar Vi vil vere:
Ein utviklingsorientert institusjon som i samarbeid og konkurranse med andre utdannings- og forskingsinstitusjonar driv utdanning, forsking, fagleg utviklingsarbeid og formidling med høg kvalitet. Ein organisasjon med personale som er medvite om sine tradisjonar, open mot det nasjonale og internasjonale samfunnet og offensiv i høve til sine oppgåvene og utfordringane sine. Ein organisasjon med eit lærande og skapande arbeidsmiljø, som sameinar eit solid teoretisk nivå med yrkesretta og praksisnære utdanningar, der tilsette og studentar er opptekne av å skaffe seg og utvikle ny kunnskap, lære av eigne erfaringar og stadig betre kompetansen sin. Ein leve- og arbeidsstad for menneske med haldningar og handlingar som er prega av etisk refleksjon, spørjande og kritiske tilnærmingsmåtar Ein organisasjon der administrasjons- og forvaltningsfunksjonen er fleksibel og velfungerande, som vedvarande utviklar system for leiing og organisasjon, og som får fram dei beste eigenskapane til medarbeidarane. Eit rettferdsorientert arbeidsfellesskap med ein organisasjonskultur som ikkje gir fotfeste for diskriminerande haldningar og åtferd, og der likestilling mellom kjønna er ein sentral verdi. Ein ressurs innan forsking og utdanning med fokus på initiering og vidare utvikling av leve- og arbeidsvilkåra i regionen Ein Høgskule ressurs som folket og styresmaktene ser som ein kulturell ressurs, og som dei er opptekne av å bevare og vidareutvikle.
Avdeling for samfunnsfag er sett saman av tre noko ulike institutt. Dette blir stundom vurdert meir som ein veikskap enn som ein styrkje ved avdelinga. I vår samanheng ser vi dette både som ein styrkje og ei utfordring: dei ulike faglege ressursane institutta rår over kan gje nye og utviklande perspektiv til utvikling av fag-, studium- og forskingsområde, og skape ei integrering av ulike metodar, faglege synspunkt og forskingsfelt som gjer ASF til ei unik og sterk avdeling innan HVO. Tyngdepunkta av tilboda våre ligg på profesjonsutdanningar og nokre fagstudium. Hovudstamma i profesjonsutdanningane er bachelorgradane i høvesvis planlegging og administrasjon, med tre ulike fordjupingar; i sosialt arbeid (sosionom og barnevern), og i teologi og kyrkjefag og religion og kultur. I tillegg har ein ein Mastergrad i samfunnsplanlegging. Eit anna kjenneteikn ved avdelinga er dei mange etter- og vidareutdanningane, og den utstrakte bruken av Internett (ClassFronter) som hjelpemiddel i desse utdanningane. Mål Det vil i perioden vere eit mål å utvikle fleire vidareutdanningstilbod på alle tre institutta, og å utvikle samarbeidet mellom institutta på dette feltet. Samstundes er det eit mål å utvikle mastergradtilbod både i sosialt arbeid og innan religion/kyrkjefag for slik å betre kunne møte dei krava til vidareutdanningar som marknaden etterspør. Tiltak at grunntrekka i avdelinga sin faglege profil skal førast vidare og vidareutviklast. at arbeidet med å profilere avdelinga på Internett både gjennom dei såkalla heimesidene som høyrer til avdelinga/institutta, og gjennom at studium som vert tilbydt over Internett, vert ført vidare. at det blir fokusert på styrking av dei fagadministrative ressursane at det blir lagt vekt på å utvide samarbeidet mellom dei tre institutta, både innan interne og eksterne studietilbod at institutta kan utvikle eksisterande emne og lage nye tilbod som kan nyttast innan fleire utdanningar, og at ein legg vekt på fleksibilitet og tilpassing at alle studia blir kontinuerleg evaluerte i lys av etterspurnad og studenttilgang. Samstundes vil det vere viktig å gi rom for svingingar i marknaden At institutta fokuserar på tilhøva mellom bachelorstudia, vidareutdanningstilboda og masterstudia Bachelorprogram at ein vurderer oppretting av nye tilbod i lys av utviklinga innan trygde- og sosialtenestene Etter- og vidareutdanningar at ein utnyttar kanalar og organisasjonar som t.d. Midt i Norden og Småsamfunnssenteret i arbeidet med å nå vidare ut med relevante studium og etter- og vidareutdanningstilbod Masterprogram at det kan bli oppretta eit masterstudium i sosialt arbeid, at det kan bli oppretta eit masterstudium i religion/kyrkjefag,
Innføringa av Kvalitetsreforma har ført til ei stor omlegging av alle studia ved avdelinga. Samstundes krev Kvalitetsreforma og eit mykje sterkare fokus på sikring og utvikling av studiekvaliteten ved studia, og krev klårare organisatoriske ordningar for dette. Studiekvalitet er eit viktig, men og eit samansett omgrep, og femner mellom anna om ulike aspekt som kvaliteten ved dei ulike studia, integrering, internasjonalisering og studentvelferd. Mål Integrering og likestilling Internasjonalisering Tiltak Avdelinga vil i denne perioden arbeide for å fokusere sterkare på tilhøva rundt opptaka til dei ulike studia at semesterstart gir god innføring og oppfølging for dei nye studentane at det blir oppretta studiekvalitetsutval i samsvar med dei retningslinjene som til ei kvar tid gjeld ved HVO at det blir oppretta utval for studiekvalitet på avdelingsnivå å halde fram med å utvikle fleksible studietilbod, og gje god oppfølging av studentane å utvikle dugleiken i bruk av digitale hjelpemiddel både ved informasjon og interne og eksterne studietilbod hjå studentar og lærarar å styrke og utvikle kvaliteten på praksisopplæringa sterkare fokus på evaluering av eksamensordningane å gjere minst ei kandidatundersøking av tidlegare studentar at det blir flytta fleire studieadministrative funksjonar nærare brukarane
Ein vil arbeide for å leggje tilrette arbeidsvilkåra for framandspråklege og dei med framandkulturell bakgrunn. Internasjonalisering å opprette funksjon som internasjonal kontaktperson på kvart institutt opprette funksjonar/kontaktpersonar for framandspråklege studentar å leggje til rette for utanlandsopphald i fag- og studieplanar å leggje til rette for kvalitetssikring av fagleg innhald og studiemiljø i utlandet å inngå ein avtale med kvar enkelt student om korleis utanlandsstudiet fagleg skal innpassast og godkjennast som ein integrert del av studiet ved HVO systematisk informasjon til eigne studentar om høgskulens avtalar med institusjonar i utlandet jamleg kontakt med samarbeidspartnarar i utlandet for å skaffe informasjon om studietilbod deira og om organiseringa av studia å utarbeide engelskspråklege informasjon- og introduksjonsmateriell å etablere minst eit studietilbod på minst 15 studiepoeng på engelsk ved kvart institutt å vidareføre og utvikle avtalar om praksisopphald for studentar
Mål I det vidare arbeidet er det og viktig at forskings- og utviklingsarbeidet skal reflektere kvinner og menn si røyndom og perspektiv, og gi like høve til igangsetjing og gjennomføring av forskingsarbeid. Det er eit sentralt mål at dei tilsette ved ASF skal oppretthalde og etablere kontakt med gode fag- og forskarmiljø i utlandet. Gjennom utveksling og samarbeid vil vi mellom anna oppnå at fagmiljøa får innsikt i utanlandske utdanningssystem, noko som vil kunne gje nye impulsar og medverke til auka internasjonalisering ved Høgskulen i Volda. Det er eit mål at storparten av forskingsprosjekta våre skal inkludere eit internasjonalt perspektiv. Dette gjeld særleg strategiske høgskuleprogram og andre større prosjekt, som søkjer støtte i Noregs forskingsråd. Avdelinga vil og stimulere til at fagleg tilsette skal få forskingsopphald i inspirerande fagmiljø i utlandet, og støtte opp om fagmiljø som tek initiativ til å arrangere internasjonale konferansar. ASF vil og oppmuntre til at forskarane publiserer arbeida sine i internasjonale fagtidsskrift av høg kvalitet, og medverke til samarbeid om internasjonalisering med samfunns- og næringsliv. Tiltak å styrke den pedagogiske dugleiken blant dei tilsette å satse sterkare på å bruke vikarstipendmidlar for å fremje FOU aktivitetane at arbeidsplanane vert brukte aktivt med tanke på å byggje opp forskingskompetansen hos dei tilsette at flest mogleg får høve til vitskapsteoretisk skolering innan felta sine, jamvel om ein ikkje siktar på doktorgrad at det framleis er rom for både eigeninitiert forsking og styrt forsking at det i arbeidet med masterutdanningane vert lagt vekt på samarbeid og utnytting av FOU innsats og kompetanse på tvers av avdelings- og instituttgrensene å fortsette samarbeidet med Møreforsking at alle institutt/seksjonar skal opprette/vidareutvikle eit forskingssamarbeid med minst ein utanlandsk utdanningsinstitusjon at alle institutt/seksjonar bør sende ut og ta imot utvekslingslærarar, for kortare eller lengre periode at dei som har hatt utanlandsopphald, formidlar erfaringane til heimemiljøet. å leggje vekt på å etablere avtalar med institusjonar i utlandet som kan tilby masterprogram som kan nyttast som påbygging til bachelorprogramma ved ASF, der vi ikkje har tilsvarande som masterprogram å utvikle eigne masterprogram i samarbeid med utanlandske institusjonar
ASF vil gjennom ein aktiv personalpolitikk arbeide med det føremålet å oppnå ei reel likestilling mellom kjønna. Fordelinga av leiande stillingar og verv skal vere prega av likestilling mellom kvinner og menn, og avdelinga skal i verksemda si avspegle kvinner og menn si røyndom og perspektiv og gi like utviklings-, lærings og karriereplan for begge kjønna. Kompetanse: For den interne kompetansehevinga sitt vedkomande vert det sentralt at vi får utnytte rettleiingsressursen som ligg til professorat-stillingane ved avdelinga på ein systematisk og god måte. Avdelinga bør ha som mål å heve andelen med minimum førstekompetanse til 75 % i løpet av ei 5 –årsperiode. Rekruttering: I alt 12 (av totalt 18) av stillingane med minimum førstekompetanse finnast i aldersspennet mellom 50 og 60 år Dersom ein skal oppnå jamnare kjønns- og aldersfordeling mellom dei vitskapleg tilsette, vil det vere fornuftig å legge opp til minimum ei nyrekruttering pr. år framover. Desse bør i all hovudsak rekrutterast som stipendiatar, og vi bør vektlegge å nytte dei moglegheitene som finnast til å prioritere yngre søkjarar. For å oppnå betre kjønnsmessig balanse bør kvinnelege søkjarar spesielt oppmodast om å søkje, og kunne prioriterast i søknadsvurderinga under elles tilnærma like vilkår.
eige opplegg på avdelingsnivå oppretthalde jamlege informasjonsmøte med personalet, gjennomføre jamlege personalmøte( dialogforum), og årlege avdelingsseminar gjennomføre medarbeidarsamtalar med alle tilsette kvart andre eller tredje år, ha eit sterkare fokus på vilkåra for leiarane på instituttnivå, og for administrativ støtte for institutta, arbeide for betre kontinuitet i leiargruppa vere med og leggje til rette for framleis inkludering i kontor- og fagmiljøet for dei som ønskjer det under forskingstida deira som pensjonistar gjere sitt til å følgje opp dei føringar som ligg i skulen sin Handlingsplan for likestillingi tillegg til andre verkemiddel, bruke innspela sine i samband med lokale lønnsforhandlingar på ein meir aktiv måte i arbeidet med å sikre at oppsette mål vert nådde halde fram med arbeidet innafor ramma av inkluderande arbeidsliv arbeide aktivt med HMS-spørsmål
|
| Oppdatert av Håkon Bø 07.12.2004 |