|
3.1 Overordna ansvar
Det er høgskulestyret som har det overordna ansvaret for kvalitetssystemet ved HVO og handsamar årsrapporten om studiekvalitet.
3.2 Ansvar
3.2.1 Rektor
Rektor er som styreleiar ansvarleg for kvaliteten i høgskulen sine studietilbod.
3.2.2 Høgskuledirektøren
Direktøren har ansvaret for drift og vedlikehald av kvalitetssystemet. Direktøren har òg ansvaret for kvaliteten i dei administrative tenestene knytte til studiekvalitet.
3.2.3 Studiesjefen
Studiesjefen har det samla ansvaret for kvalitetsarbeidet knytt til dei studieadministrative støttetenestene ved HVO. Studiesjefen skal i samarbeid med avdelingane ta initiativ til intern evaluering av studietilbod ved høgskulen for å sikre studiekvaliteten. Studiesjefen skal utarbeide statistikkar og analysegrunnlag som avdelingane kan bruke i sitt kvalitetsarbeid.
3.2.4 Dekan
Dekanen har det overordna ansvaret for kvalitetsarbeidet og for å fremje god kvalitetskultur. Det er dekanen som har ansvaret for at evalueringar av undervisninga blir gjennomførte.
3.2.5 Studieleiar (allmenn-, førskulelærar- og praktisk-pedagogisk utdanning)
Studieleiarar har medansvar for gjennomføring av evaluering av studiekvaliteten, inkludert praksisopplæringa, og til å vidareutvikle kvaliteten i dei respektive utdanningane.
3.2.6 Instituttleiar/programansvarleg
Instituttleiar/programansvarleg har ansvaret for planlegging, koordinering, evaluering og kvalitetsutvikling av studieprogram.
3.2.7 Emneansvarleg
Emneansvarlege har ansvaret for gjennomføring av evaluering av emne.
3.3 Studentane sitt ansvar
Lov om universiteter og høgskoler av 1. april 2005 nr. 15: http://www.lovdata.no/all/tl-20050401-015-005.html
Studentane har eit sjølvstendig ansvar for utviklinga av studiekvaliteten på høgskulen. Det skal skje ved representasjon i styre og utval, og gjennom aktiv deltaking i studentevalueringar, fagutvalsmøte, trivselsundersøkingar m.m. som høgskulen legg til rette for. Studentane har også ansvar for å setje seg inn i gjeldande reglar.
3.4 Utval
Ved HVO har vi følgjande utval som alle har oppgåver knytte til arbeid med studiekvalitet:
Studieutvalet: http://www.hivolda.no/index.php?ID=12268
Læringsmiljøutvalet: http://www.hivolda.no/index.php?ID=13274
Forskingsutvalet: http://www.hivolda.no/index.php?ID=9338
Internasjonalt utval: http://www.hivolda.no/index.php?ID=9338
Studiestartutvalet: http://www.hivolda.no/index.php?&ID=13348
3.4.1 Studiekvalitetsutval ved avdelingane
Avdelingane kan ha eigne studiekvalitetsutval. Dette er ein funksjon som også kan leggjast til avdelingsrådet.
3.4.2 Fagutval
Alle studentar skal ha tilknyting til eit fagutval. Retningsliner finn ein her: http://www.hivolda.no/index.php?ID=11181
For nettstudentar skal det lagast eigne evalueringsopplegg.
|
