|
Bok nr. 21 Språket i teatret og teatret i språket
Om språkleg identitet ved Det Norske Teatret
Gunhild Hovden Kvangarsnes
Pris: 150,-
Utgjevingsår: 2006
Det Norske Teatret vart skipa i 1912, og var det første teatret som for alvor tok i bruk "landsmål" som scenespråk. Teatret byrja mellom anna som eit språkdanningsprosjekt, eller som eit talenormeringsprosjekt. Ved å formidle ei talenorm for landsmålet (seinare nynorsk) ønskte teatret, eller aktørane bak opprettinga av teatret, å gi folk eit norsk alternativt danningsmål til den "dannede dagligtalen".
Det Norske Teatret har gjennom tida vore opptatt av språk og språkbruk. I dette arbeidet har målet vore å undersøkje den språklege identiteten til teatret i eit historisk og samtidig perspektiv, men med vekt på samtida. Arbeidet drøftar utviklingstrekk knytt til den språklege identiteten ved teatret. Det empiriske materialet omfattar dokument og tekstar som omtalar språket og språkbruken ved teatret og intervju med personar som har tilknyting til Det Norske Teatret.
|
