|
Bok nr. 25 Det jordiske i Olav Aukrusts idédiktarunivers
Hilde Kathrine Thomassen
Pris: 150,-
Utgjevingsår: 2007
I mottakinga av Olav Aukrusts verk har det vore ei dominerande vektlegging av ei vertikal, oppover-springande rørsle, og ei mystisk lengting, i dikta. Denne masteroppgåva er ei hermeneutisk undersøking av rangen til "det jordiske" i eit univers av det diktaren sjølv refererte til som idédikt. Den nærmar seg problemstillinga frå tre kantar. Først gjer den ei ganske generell undersøking av "det verkelege" i Aukrusts dikting, med vekt på kunnskapsteoretiske implikasjonar. Så kjem ei undersøking av korleis forholdet til det historisk verande kjem til uttrykk gjennom det språksynet som viser seg i Aukrusts omgang med språket, og i dei tilvisande refleksjonane rundt. Til slutt blir det nasjonale sett inn i samanhengen.
|
