Her finn du aktuell informasjon presentert av Noreg.no. Informasjonen er sortert i desse fem kategoriane:
Aktuelt no
Revisjonsrapport for statsrekneskapen 2006
Revisjonsrapporten inneheld merknadene Riksrevisjonen har til departementa si forvaltning og gjennomføring av budsjetta. Eit gjennomgåande trekk er manglar ved styringa og resultatrapporteringa til departementa. Ei rekkje verksemder har ikkje etablert ein tilfredsstillande internkontroll. Dette har mellom anna ført til mange brot på regelverket for offentlege innkjøp. Fleire verksemder har heller ikkje god nok IKT-sikkerheit og –beredskap. Det er også funne manglar ved forvaltninga av fleire tilskotsordningar.
Sist oppdatert: 25.10.2007TV-aksjonen 2007 - Saman for barn
Årets TV-aksjon vart tildelt UNICEF Noreg. Aksjonen vart gjennomført i samarbeid med Noregs Idrettsforbund og Olympiske Komité, og Right To Play. Inntektene gjekk til barn som er ramma av hiv og aids i ulike delar av verda.
Sist oppdatert: 25.10.2007Endringar i det offentlege
Tinglysinga samla i Hønefoss
Skal du tinglyse fast eigedom og lurer på kven du skal kontakte? Svaret er no enkelt, alle skal kontakte Statens kartverk i Hønefoss. Overføringsarbeidet av tinglysing i fast eigedom er no fullført, og frå og med mandag 29.oktober er tinglysinga samla under eitt tak. Tidlegare har mellom anna tingrettane utført dette arbeidet.
Sist oppdatert: 31.10.2007Nytt regionalt helseforetak
Helse Øst RHF og Helse Sør RHF vart avvikla 1. juni 2007. Nytt regionalt helseforetak vart etablert samme dag. Det nye helseforetaket har fått namnet Helse Sør-Øst RHF og har ansvar for spesialisthelsetenestene for heile Austlandet og Agderfylka. Du finn meir informasjon på www.helse-sorost.no
Sist oppdatert: 14.6.2007
Les fleire: Endringar i det offentlege
Nytt frå Noreg.no
Noreg.no skjerpar krava til offentlege nettstader - 700 skal kvalitetsvurderast hausten 2007
Noreg.no vil i haust vurdera nær 700 kommunale og statlege nettstader og har no revidert krava som ligg til grunn for måling av kvaliteten på offentlege nettstader. Endringane inneber ei skjerping av krava til offentlege nettstader. Kriteriesettet har 5 nye indikatorar og det er gjort endringar i poengberekninga. Resultata av vurderinga skal offentleggjerast på ein kvalitetskonferanse, som Noreg.no arrangerer, i månadskiftet november/desember.
Målet med kvalitetvurderinga er å bidra til utvikling og forbetring av offentlege nettstader. Desse må bli meir tilgjengelege for alle brukargrupper, få ei betre brukartilpassing og ta i bruk webteknologien på ein meir effektiv måte. Slik kan tilgangen på nyttige og gode nettenester for innbyggjarane utviklast.
I arbeidet med å revidere kvalitetskriteria har representantar frå kommunesektoren og statlege etatar delteke, saman med fagleg ekspertise bl.a frå Deltasenteret. Endringane tek utgangspunkt i erfaringar frå vurderinga i 2006, innspel frå fagmiljø som Noreg.no samarbeider med og generelle føringar i regjeringa sin IKT-politikk.
Informasjon om Noreg.no sitt arbeid med kvalitetsvurdering av offentlege nettstader og sjølve kriteriesettet er tilgjengeleg på www.norge.no/kvalitet
Kontaktperson: Trude Risnes tlf. 57 65 50 22, e-post: trude.risnes@norge.no
Sist oppdatert: 12.7.2007
Noreg.no går over i eit nytt forvaltningsorgan frå 01.01.2008
Regjeringa vil styrkje arbeidet
med fornying av offentleg forvaltning og IKT, og opprettar difor eit nytt
forvaltningsorgan frå 01.01.2008. Det nye forvaltningsorganet vil vere
samansett av Statskonsult, Noreg.no og Ehandelssekretariatet.
Arbeidsoppgåvene vil vere fornying, IKT, leiing, organisering, omstilling,
informasjonspolitikk og innkjøpspolitikk.
Visste du at...?
...lokale fjellstyre forvaltar jakt og fiske i dei ulike statsallmenningane?
Det er dei lokale fjellstyra som forvaltar jakt og fiske i dei ulike
områda, og du må ta kontakt med dei dersom du ynskjer å jakte i ein statsallmenning.
Du finn ei oversikt over statsallmenningar, informasjon om kva reglar som gjeld
og kontaktinformasjon til dei lokale fjellstyra på denne
sida: www.fjellstyra.no.
På
nettsidene til Direktoratet for
naturforvaltning finn du meir informasjon om jakt og fangst. På nettstaden Inatur.no finn du fleire nyttige opplysningar,
og der kan du også kjøpe jaktkort og fiskekort.
...du kan finne nyttig informasjon for vaksne innvandrarar på Internett?
På nettsidene til Utlendingsdirektoratet finn du informasjon om visum, arbeids- og opphaldsløyve, statsborgarskap med meir. På nettstaden www.intro.cappelen.no får du innføring i samfunnskunnskap for vaksne innvandrarar.
Nettportalen www.velkommenoslo.no inneheld informasjon om norskopplæring og kvalifisering, utdanning, godkjenning og jobb med meir. Alle desse nettstadene har informasjon på fleire språk.
Sist oppdatert: 25.10.2007
Ofte stilte spørsmål
Når er det fellesferie i 2008?
Fellesferien i 2008 er tilrådd lagt til vekene 28, 29 og 30.
Fellesferien blir fastsett gjennom ein avtale mellom Byggenæringens Landsforening (BNL) og Fellesforbundet. Avtalen gjeld for dei to partane og er ei tilråding om å leggje fellesferien, også kalla bygningsferien, til desse tre vekene. På nettsidene til Byggenæringens Landsforening finn du meir informasjon om fellesferien.
Sist oppdatert: 31.10.2007Korleis finn eg fram til og søkjer om hjelpemiddel?
På nettsidene til Nav finn du informasjon om ulike hjelpemiddel . Der ligg også søknadsskjema og hjelpemiddeldatabasen . Ta kontakt med kommunehelsetenesta der du bur for å få hjelp til å søkje. Gjeld det hjelpemiddel på arbeidsplassen, spør du arbeidsgjevar eller bedriftshelsetenesta. Kontakt det lokale Nav-kontoret når det gjeld attføring.
Sist oppdatert: 31.10.2007