Utskrift

Noregs Bank Pengepolitikk (PPO)

Området skal verke til ei balansert økonomisk utvikling og at inflasjonsmålet blir nådd. Oppgåvene er blant anna å:

• Gje råd om og gjennomføre pengepolitikken
• Forvalte den mest likvide delen av valutareservane
• Medverke til resultatorientert internasjonalt økonomisk samarbeid
• Drive økonomisk forsking og utføre analysar

Arbeidsoppgåvene i avdelingane femnar om forskings-, utgreiings- og analysearbeid knytt til utforminga og gjennomføringa av pengepolitikken. Det er ein målsetnad at pengepolitikken blir teken hand om på ein måte som byggjer opp under truverdet. Arbeidet inneber kontakt med aktørar i finansielle marknader, internasjonale organisasjonar, offentlege styresmakter og akademiske miljø. PPO har fem avdelingar.

Leiar: Direktør Jan F. Qvigstad
Vikar: Direktør Jon Nicolaisen
Telefon forkontor: 22 31 61 82

Forskingsavdelinga
Dei tilsette i avdelinga forskar på områda makroøkonomi og pengepolitikk, finansielle marknader og institusjonar, og formuesforvalting. Forskinga skal ha ein slik fagleg kvalitet at produkta kan publiserast i internasjonale eller nasjonale tidsskrift med fagfellevurdering.

Leiar: Forskingsdirektør Øyvind Eitrheim
Telefon forkontor: 22 31 64 22

Internasjonal avdeling
Avdelinga arbeider med overvaking og analyse av den internasjonale økonomiske utviklinga. Avdelinga har operativt ansvar for Noregs arbeid mot IMF og tek seg av Noregs Banks interesser og verksemd når det gjeld andre internasjonale spørsmål. Avdelinga har òg eit ansvar for å koordinere saker frå området til leiinga i banken. 

Leiar: Direktør Audun Grønn
Telefon forkontor: 22 3161 82 / 22 31 62 16

Marknadsoperasjons- og analyseavdelinga
Avdelinga tek del i arbeidet med utforminga av pengepolitikken og står for dei pengepolitiske transaksjonane Noregs Bank utfører i dei innanlandske penge- og kapitalmarknadene og valutamarknadene. Basert på kontakten avdelinga har med marknadene i Noreg og internasjonalt, blir det utarbeidd analysar som lekk i utforminga av pengepolitikken. Avdelinga har også ansvaret for forvaltinga av den mest likvide delen av valutareservane og for Noregs Banks rådgjeving om, og gjennomføring av statens innanlandske opplåning.

Leiar: Direktør Jannecke Ebbesen

Pengepolitisk avdeling
Avdelinga arbeider med pengepolitiske spørsmål, under dette råd om utforminga og innretninga av verkemidla i pengepolitikken, og assisterer leiinga for området og banken i arbeidet med kommunikasjon av og informasjon om utøvinga av pengepolitikken.

Leiar: Direktør Amund Holmsen
Telefon forkontor: 22 31 61 64 / 22 31 61 65 / 22 31 62 59

Økonomisk avdeling
Avdelinga arbeider med overvaking og analyse av den nasjonale konjunkturutviklinga og utarbeider Pengepolitisk rapport, som banken gjev ut 3 gonger i året. Avdelinga har ansvaret for Noregs Banks regionale nettverk, som er etablert for å styrkje analysegrunnlaget gjennom kontakt direkte med bedrifter, organisasjonar og kommunar. Bruk og vidareutvikling av økonomiske modellar for prognoseformål og politikkanalyse er ein annan sentral del av arbeidet i avdelinga.

Leiar: Direktør Anne Berit Christiansen
Telefon forkontor: 22 31 61 64 / 22 31 61 65 / 22 31 62 59