Noregs Bank Kapitalforvalting (NBIM)
Området skal vere ein forvaltingsorganisasjon av internasjonal toppklasse og skal syte for trygg forvalting av dei porteføljane i utanlandsk valuta som Noregs Bank har ansvaret for. Oppgåvene for området er blant anna å:
- Forvalte den særskilde valutaporteføljen i Statens pensjonsfond - Utland (tidlegare Statens petroleumsfond) på vegner av Finansdepartementet
- Forvalte valutaporteføljen i Statens petroleumsforsikringsfond på vegner av Olje- og Energidepartementet
- Forvalte dei langsiktige delane av valutareservane til Noregs Bank
Noregs Bank Kapitalforvalting har vel 148 tilsette ved utgangen av juni 2007. Hovudverksemda går føre seg ved Noregs Banks hovudkontor i Oslo, men Kapitalforvaltinga har også kontor i New York, London og Shanghai. Kapitalforvaltinga er organisert i to separate forretningsområde, for høvesvis aksje- og renteforvalting.
Dei to forretningsområda har ansvar for alle investeringar, oppgjer av handlar og IT- løysingar innanfor sine respektive aktivaklassar, så vel som strategisk planlegging, årlege aktivitetsplanar og kostnadskontroll for kvart sitt forretningsområde. I tillegg har Kapitalforvaltinga avdelingar som har ansvar for overordna planar og strategi, risikokontroll og avkastningsmåling, rekneskap og kontroll for fondet totalt, IT infrastruktur, og juridiske og administrative fellesfunksjonar.
Leiar: Direktør Knut N. Kjær
Telefon forkontor: 22 31 62 71