Pengepolitikken i Noreg
[BOKMÅL]
Regjeringa har fastsett eit inflasjonsmål for pengepolitikken i Noreg.
Det operative målet er ein vekst i konsumprisane som over tid er nær 2½ prosent. Pengepolitikken skal samstundes medverke til å stabilisere utviklinga i produksjon og sysselsetjing.
Renta på bankane sine innskot i Noregs Bank (foliorenta) er det viktigaste verkemiddelet i pengepolitikken.
Målet for pengepolitikken
Regjeringa har fastsett eit inflasjonsmål for pengepolitikken i Noreg. Noregs Banks skal føre ein pengepolitikk retta inn mot låg og stabil inflasjon. Det operative målet for pengepolitikken skal vere ein årsvekst i konsumprisane som over tid er nær 2,5 prosent. Pengepolitikken skal samstundes medverke til å stabilisere utviklinga i produksjon og sysselsetjing.
Det skal i utgangspunktet ikkje takast omsyn til direkte effektar på konsumprisane som skuldast endringar i rentenivået, skattar, avgifter og særskilde, mellombels forstyrringar. Det vil i sanntid alltid vere vanskeleg å avgjere kva for prisrørsler som vil vare ved og kva for nokre som berre vil ha kortvarige verknader på KPI. Det vil ikkje vere éin enkelt indikator som i alle situasjonar kan gje eit rett bilete av det underliggjande prispresset. Ulike mål på underliggjande inflasjon blir drøfta i Pengepolitisk rapport.