Verkemidla i pengepolitikken
[BOKMÅL]
Det viktigaste verkemidlet Noregs Bank har, er renta på bankane sine innskot i Noregs Bank (foliorenta), også kalla styringsrenta. Styringsrenta påverkar dei korte pengemarknadsrentene. Styringsrenta og forventningane om den framtidige utviklinga i styringsrenta er avgjerande for innskots- og utlånsrentene i bankane og for renta i obligasjonsmarknaden.
I tillegg til å endre styringsrenta kan Noregs Bank kjøpe eller selje kroner (intervenere) i valutamarknaden for å påverke kronekursen. Noregs Bank har beredskap for å kunne intervenere i valutamarknaden, men vil normalt ikkje bruke intervensjonar.