Rundskriv nr. 6 / 22. oktober 2007

Utskrift

Endringar i driftsmønsteret for oppgjerssystemet til Noregs Bank

[BOKMÅL]

Noregs Bank har vedteke å gjere følgjande endringar i driftsmønsteret for oppgjerssystemet til Noregs Bank (NBO), jf. kontohalds- og oppgjersavtalen mellom bankar og Noregs Bank, vedlegg 3:

• Som følgje av at derivatavrekninga frå VPS Clearing blir delt i to, blir oppgjeret knytt til låneordninga for verdipapir (kredittsikringsoppgjeret) gjennomført etter oppgjer av den andre avrekninga frå VPS (VPO2). Det samla opsjons- og futuresoppgjeret blir gjennomført om morgonen på same tidspunkt som i dag.
• Tidspunkta for mottak og fristane for oppgjer av NICS-SWIFT-avrekningane blir tekne inn i driftsmønsteret for NBO.
• Fristar for tilbakebetaling av lån og tilbakeføring av pantsette innskot ved bruk av Scandinavian Cash Pool (SCP) blir tekne inn i driftsmønsteret for NBO.
• Tidspunktet for å utløyse gebyr for bankar ved manglande dekning i NICS-masseavrekninga om ettermiddagen blir flytt frå klokka 16.30 til klokka 15.45. Dette tidspunktet samsvarer med tilsvarande tidspunkt som utløyser gebyr i bankane sitt felles regelverk for NICS.
• Tidspunktet for å opne NBO dersom mottaket av NICS-masseavrekninga om morgonen er forseinka, blir flytt frå klokka 06.45 til seinast klokka 06.00.

Endringane blir gjorde gjeldande frå 16. november 2007.

Vedlagt følgjer nytt vedlegg 3 til kontohalds- og oppgjersavtalen. Det nye driftsmønsteret inneheld både endringane som er varsla i dette rundskrivet, og endringar som er varsla tidlegare, jf. rundskriv nr. 5 / 1. september 2006 og nr. 1 / 11. januar 2007 i tillegg til brev av 16. august 2006 frå Noregs Bank til deltakarane i derivatoppgjera.