Bargo- ja sosiáladepartemeantta vuollásaš ásahusat

Dán listtus leat buot ásahusat mat gullet departemeantta vuollái, das leat maid čujuhusat ja neahttasiidoliŋkkat.

Aetat veahkeha bargoohcciid oažžut barggu, ja bargoaddiid gávdnat bargiid, ja lea ráđđehusa mávssoleamos gaskaoapmin bargomárkanpolitihka čađaheamis. Etáhtas leat sullii 4 000 virggi.

Aetat Bargodirektoráhta stivre, ovdánahttá ja doarju buot fylkkaid váldokantuvrraid doaimma, ja maiddái báikkálaš bargokantuvrraid (báikkálaš Aetat), ossodatkantuvrraid ja spesiálaossodagaid, sullii 170 bargi oktiibuot.

Čujuhus:
Poastaboksa 8127 Dep
0032 Oslo
Tlf.: 23 35 24 00

Álgoálbmotvuoigatvuođaid gelbbolašvuođaguovddáš

Álgoálbmotvuoigatvuođaid gelbbolašvuođaguovddáža lea Norgga ráđđehus ásahan, ja dat lea Guovdageainnus. Gelbbolašvuođaguovddáža ulbmil lea háhkat ja gilvit dieđuid álgoálbmogiid vuoigatvuođaid ja sámiid vuoigatvuođaid birra ja buoridit álgoálbmogiid ja sámiid vuoigatvuođaid áddejumi.

Guovddáš galgá čohkket, hukset, sysstematiseret, doalahit, gárvvistit, láhčit geavahan láhkai ja gaskkustit áššáiguoski dieđuid ja duođáštusa riikkalaš ja riikkaidgaskasaš álgoálbmotvuoigatvuođaid birra. Guovddáš sáhttá maiddái fuomášuhttit makkár dutkandárbbut leat guovdilis surggiin.
Loga eambbo

Čujuhus:
Bredbuktnesveien 50
N-9520 Kautokeino
Tlf.: 78 48 80 10

Bargobearráigeahčču

Bargobearráigeahčču leat stáhtalaš etáhta mii gullá Bargo- ja sosiáladepartementii. Etáhta galgá bearráigeahččat ahte iešguđet doaimmat čuvvot bargobiraslága gáibádusaid. Dasto leat Bargobearráigeahčus hálddašan-, bearráigeahččan- ja diehtojuohkindoaimmat čuovvovaš lágaid olis: bálkádáhkádusláhka, luopmoláhka, miessemánu 1. ja 17.b bassebeaiveláhka, ja oasit duhppatvahátlágas.

Iežat guovllu Bargobearráigeahču čujuhusa gávnnat dáppe.

Boazodoalu riikkaidgaskasaš fága- ja gaskkustanguovddáš

Doaibma galgá skáhppot áššáiguoski dieđuid máilmmi boazodoalu birra, gaskkustit dieđuid, duođaštusa ja diliid mat leat mávssolaččat boazodoalu eavttuide, kultuvrii ja ekologiijii, dás maiddái dutkanbohtosiid ja boazodoalu árbedieđuid. Doaibma galgá maiddái ovddidit gulahallama ja fierpmádathuksema gaskal davviguovlluid boazodoalloálbmogiid.
Loga eambbo

Čujuhus:
Poastaboksa 109
9521 Kautokeino
Tlf: 78 48 00 00 – 950 48 331

Luonddu ja boazodoallobálvalusaid resursaguovddáš

Guovddáš galgá duođaštit boazodoalliid árbevirolaš ealáhus- ja luonddugelbbolašvuođa (duohtagelbbolašvuođa), ja ovddidit ja fállat bálvalusaid bearráigeahču, dárkkisteami, duođašteami, luonddu- ja birashálddašeami oktavuođas jna.

Čujuhus:
Poastaboksa 122
9521 Kautokeino

Mearraolbmuid penšuvdnaoadju

Juolluduvvo, váldonjuolggadusa mielde, norgalaččaid geat leat meara alde johtán, ja olbmuide geat fásta orrot Norggas ja geat barget norgga registrerejuvvon fatnasiin.

Čujuhus:
Poastaboksa 8143 Dep
0033 Oslo
Tlf.: 22 35 89 00
Fáksa: 22 37 12 90

Oadjoetáhta

Oadjoetáhta lea Bargo- ja sosiáladepartemeantta stuorámus etáhta ja das leat sullii 6 500 bargi. Etáhta hálddaša oadjokantuvrraid ja veahkkeneavvoguovddážiid.

Riikaoadjodoaimmahat (ROD) lea Norgga sosiála oajuid guovddášhálddahus, earret Mearraolbmuid penšuvdnaoaju ja bargguhisvuođa doarjja.

ROD hálddaša maiddái dihto soahpamušaid gaskkal Norgga riikaorganisašuvnna ja Ealáhuseallima váldoorganisašuvnna. ROD lea fylkkaid ja suohkaniid oadjokantuvrraid bajit ásahus.

Čujuhus:
Poastaboksa 5200 Nydalen
0426 Oslo
Tlf.: 22 92 70 00
Fáksa: 22 92 73 69

Oadjoriekti

lea oadjoetáhta ja bargomárkanetáhta mearrádusaid, ja eará almmolaš ealáhat- ja oadjoortnegiid sorjjakeahtes váiddaorgána, álbmotoadjolága olis.

Čujuhus:
Poastaboksa 8022 Dep
0030 Oslo
Tlf.: 23 15 95 50
Fáksa: 23 15 96 00

Olgoriikkalaččaiddirektoráhtta

Olgoriikkalaččaiddirektoráhta (ODI) ulbmil lea ahte Norgga sisafárren- ja dorvoohcciidpolitihkka galgá leat nu bevttolaš, riekta ja deasttalaš go vejolaš.

Ulbmil gáibida ahte buot boahtán ohcamat meannuduvvojit nu johtilit ja riekta go vejolaš ja ahte olus dain olbmuin geat iešguđetlágan sivaid geažil bohtet Norgii, fuolahuvvojit vuđolaččat. Lea ODIii dehálaš ahte buohkat geat ásaidvvet riikii, searvadahttojuvvojit nu bures go vejolaš. Ovttasráđiid gielddaiguin ja eará almmolaš eiseválddiiguin mii álot geahččalit láhčit dorvoohcciide nu buriid vuostáváldinbáikkiid, bargosajiid ja eará servodatdiliid go vejolaš.

Čujuhus:
Poastaboksa 8108 Dep
0032 Oslo
Tlf.: 23 35 15 00

Olgoriikkalaččaidnammagoddi (ONA)

ONA ásahuvvui cuoŋománu 30. b. 1999 mannosaš lága nr. 22 bokte olgoriikkalaččaidlága rievdadeami birra. ONA lea doaibman ođđajagemánu 01. b. 2001 rájes. ONA lea hálddahuslaččat Bargo- ja searvadahttindepartemeantta (BSD) vuollásaš ja meannuda váidagiid mat leat boahtán Olgoriikkalaččaiddirektoráhta mearrádusaide, olgoriikkalaččaidlága ja olgoriikkalaččaidláhkaásahusa vuođul.

ONA lea politihkalaččat sorjakeahtes hálddahusorgána. Departemeanta ii sáhte bagadit dan láhkadulkoma, árvvoštallama dahje mearrádusaid bođuáššiin (earret áššiin mat gusket riikka sihkkavuođa vuhtiiváldimii, dahje olgoriikapolitihka vuhtiiváldimii).

Čujuhus:
Poastaboksa 8165 Dep
0034 Oslo
Tlf.: 21 08 50 00

Petroleumabearráigeahčču

Petroleumbearráigeahčču lea iešheanalis, stáhtalaš bearráigeahččanorgána mii gullá Bargo- ja sosiáladepartementii. Petroleumbearráigeahčču lea Stavangeris, ja lea seamma sajis go Oljodirektoráhta. Petroleumbearráigeahčču galgá hábmet eavttuid ja čuovvolit ahte petroleumdoaimma aktevrrat bisuhit alla dási dearvvašvuođa, birrasa ja sihkarvuođa hárrái, ja dakko bokte háhkat nu buriid árvvuid servodahkii go vejolaš.

Čujuhus:
Poastaboksa 599
4003 Stavanger
Tlf.: 51 87 60 50
Fáksa: 51 87 60 80

Searvadahttin- ja girjáivuođadirektoráhtta (SGD)

SGDi ásahuvvui ođđajagimánu 1. b. 2006 gelbbolašvuođaguovddážin ja searvadahttima ja girjáivuođa ovddideaddjin. Direktoráhtta bargá ovttas sisafárrejeaddjiid organisašuvnnaiguin/-joavkkuiguin, gielddaiguin, stáhta etáhtaiguin ja priváhta surggiin. SGDi addá rávvagiid ja čađaha stáhta politihka.

Čujuhus:
Poastaboksa 8059 Dep
0030 Oslo
Tlf.: 24 16 88 00

Stáhta bargobirasinstituhtta

Stáhta bargobirasinstituhtta lea dutkaninstituhtta mii lea organiserejuvvon Bargo- ja sosiáladepartemeantta (BSD) vuolde. Instituhtta lea fágaidrasttildeaddji máhttobiras mas lea gelbbolašvuohta medisiinnas, fysiologiijjas, kjemias, biologiijjas, psykologiijjas ja eará fágain. Instituhtta doaibmá norgga bárgoeallima iešguđet surggiid várás, ja dat kárte biras- ja dearvvašvuođadili, árvvoštallá váraid ja evttoha eastadeaddji doaibmabijuid bargosajiide.

Čujuhus:
Poastaboksa 8149 Dep
0033 Oslo
tlf.: 23 19 51 00

Sosiála ja dearvvašvuođadirektoráhtta

Sosiála ja dearvvašvuođadirektoráhta lea gelbbolašvuođa- ja hálddašanorgána mii gullá Dearvvašvuođa- ja fuolahusdepartementii ja Bargo- ja sosiáladepartementii. Váldodoaibman lea háhkat diehtovuođu ja álggahit sosiála- ja dearvvašvuođapolitihka. Ulbmilin lea duddjot buori dearvvašvuođa ja sosiála oadjebasvuođa álbmogii. Direktoráhta galgá ovdánahttit ja beavttálmahttit bálvalusfálaldaga, ja dearvvašvuođaovddideaddji barggu.

Direktoráhta ásahuvvui ođđajagimánu 1.b. 2002:s ja dasa leat sirdojuvvon resurssat Stáhta duhppatvahátráđis, Stáhta biebmo- ja fysalaš aktivitehta ráđis, Gárrenmirkoráđis, Mirkodiehtojuohkinguovddážis, Ráđđečállingottiid etáhtas j.d., ja Doaktáriid ja doavttirjuohkimiid spesialistaoahpahusa našovnnalaš ráđi čállingottis. Dearvvašvuođadoaimma vuoruheami našovnnalaš ráđi čállingoddi gullá maiddái direktoráhtii. Dasa lassin leat dasa sirdojuvvon barggut ja bargit Stáhta álbmotdearvvašvuođa instituhtas, Stáhtadearvvašvuođaiskosis, Stáhta dearvvašvuođageahčus ja Sosiála- ja dearvvašvuođadepartemeanttas.

Čujuhus:
Poastaboksa 7000 St. Olavs plass
0130 Oslo
Tlf.: 24 16 30 00
Fáksa: 24 16 30 01
E-poasta: postmottak@shdir.no

Sisafárrejeaddjiid ja eiseválddiid gulahallanlávdegoddi (SEG)

Sisafárrejeaddjiid ja eiseválddiid gulahallanlávdegottis maid ráđđehus lea nammadan, leat guokte doaimma:

1. Addit eiseválddiide ráđiid dakkár áššiin mat gusket sisafárrejeaddjiide. 2. Jođihit gulahallama gaskal sisafárrejeaddjiid ja eiseválddiid.

Lávdegoddi váldá ovdan áššiid mat leat prinsihpalaččat dehálaččat dan álbmotoassái mas lea sisafárrejeaddjiduogáš. SEG lágida lávdegoddečoahkkimiid lassin gulahallama gaskal daid geain lea sisafárrejeaddjiduogáš, ja eiseválddiid ja politihkkáriid. Dát čađahuvvo čoahkkimiiguin, semináraiguin ja konferánssaiguin.

Sisafárrejeaddjifora váikkuha almmolaš politihka daid čoahkkimiiguin maid dat doallá guovddášhálddahusain, iežas gulaskuddancealkámušaiguin ja lobbidoaimmain.

Lávdegotti guovlulaš lahtut lágidit konferánssaid ja eará doaimmaid iežaset guovlluin.

Čujuhus:
Poastaboksa 8108 Dep
0032 Oslo
Tlf: 23 35 16 31

Stáhta dearvvašvuođageahčču

Stáhta dearvvašvuođageahčču lea fágalaččat sorjjakeahtes bearráigeahččanorgána mas lea bajemus ovddasvástádus fágalaččat bearráigeahččat sosiálabálvalusa ja dearvvašvuođabálvalusa. Bargo- ja sosiáladepartemeanttas lea ovddasvástádus dihto doaimmaide Dearvvašvuođageahčus, danne go Dearvvašvuođageahčču lea ožžon hálddašanválddi suohkanlaš mearrádusaide Sosiála bálvalusaid lága olis. Geahčču galgá addit rávvagiid eiseválddiide ja doaimmaide. Fylkkadásis lea fylkkamánni sosiálabálvalusa gozihaneiseváldi, ja fylkka Dearvvašvuođageahčču ges dearvvašvuođabálvalusa ja dearvvašvuođabargiid gozihaneiseváldi.

Čujuhus:
Statens helsetilsyn
Poastaboksa 8128 Dep
0032 Oslo

Galledančujuhus: Calmeyers gate 1
Tlf.: 21 52 99 00
Fáksa: 21 5299 99
E-poasta: postmottak@helsetilsynet.no

SIRIUS – Statens institutt for rusmiddelsforskning
Poastaboksa 565 Sentrum
0157 Oslo

Galledančujuhus: Øvre Slottsgate 2b
Tlf.: 22 34 04 00
Fáksa: 22 34 04 01

Bargodutkaninstituhtta AS
Hálddašanovddasvástádus sirdojuvvui UFD:ii 1.1.2005.