Ossodagat

Bargo- ja searvadahttindepartemeanttas lea vihtta fágaossodaga.

Ođđa ráđđehusa departemeantastruktuvra rievdadusaid geažil, sirdojuvvojit Sisafárrenossodat, Integreren- ja girjáivuođaossodat ja Sámi- ja minoritehtapolitihkalaš ossodat Gielda- ja guovlodepartemeanttas Bargo- ja sosiáladepartementii. Rievdadus boahtá formálalaččat fápmui ođđajagimánu 1.b. 2006 rájes, muhto stáhtaráđđi Bjarne Håkon Hanssen lea juo golggotmánu 17.b. rájes ožžon ovddasvástádusa dáidda surggiide.

Bargobiras- ja sihkarvuođaossodat

Ekspedišuvdnahoavda Gundla Kvam
Tlf.: ovdakantuvra 22 24 69 03
Fáksa: 22 24 95 46

Bargobiras- ja sihkarvuođaossodaga ovddasvástádussuorgi lea bargoriekti, norgga bargoeallima bargobiras ja sihkarvuohta, sihke nannámis ja norgga nannánjuolggis. Ossodat hálddaša bargobiraslága ja dasa gullevaš láhkaásahusaid dearvvašvuođa, birrasa ja sihkarvuođa hárrái petroleumdoaimmas. Ossodagas lea maiddái ee. ovddasvástádus mieldemearridannjuolggadusaide gávpevuođđuduslágain, luopmolágas, bálkádáhkáduslágas, tariffasoahpamušaid dábálašdahkama lágas, bargonággolágas j.d. Ossodagas lea fágalaš ja hálddahuslaš ovddasvástádus dáidda doaimmaide: Bargobearráigeahčču, Petroleumbearráigeahčču ja Stáhta bargobirasinstituhtta. Dasto lea ossodagas velá hálddahuslaš ovddasvástádus Riikasoabahanmánni ja Bargorievtti ovddas.

Bargomárkanossodat

Ekspedišuvdnahoavda Rune Solberg
Tlf.: ovdakantuvra 22 24 47 03
Fáksa: 22 24 95 49

Bargomárkanossodagas lea ovddasvástádus doaimmaide mat ovddidit buresdoaibmi bargomárkana. Ossodagas lea ovddasvástádus politihkkii ja gaskaomiide bargguhisolbmuid guovdu ja muhtun doaibmabijuide fidnohehttejuvvomiidda. Ossodat hálddaša bargomárkanbálvalusaid lága, álbmotoadjolága kap. 4, beaiveruhta bargguhisvuođadilis, ja lága bálkágeatnegasvuođa birra virgelobiid vuolde. Ossodagas lea ovddasvástádus bargomárkana reguleremiidda, nu go permitteremat, bargoláigojupmi ja bargogaskkusteapmi. Ossodat etáhtastivre Aetat. Ossodagas leat maiddái barggut sisaboahto- ja bálkáčielggademiid oktavuođas, dás maiddái ovddasvástádus Sisaboahtočielggademiid teknihkalaš meroštanvuođus ja oassálastá oadjočielggadeamis, dihto dearvvašvuođabargiid ja eanandoalu čielggadeamis. Ossodagas lea ovddasvástádus koordineret departemeantta riikkaidgaskasaš barggu.

Ossodagas leat njeallje sekšuvnna.

Ekonomiijasekšuvdna

Koordineret ossodaga bušeahttabarggu sektoris. Oktiiheivehit áššiid Stuoradikki guovdu, dás maiddái oktiiheivehit riikarevišuvdnaáššiid. Aetata etáhtastivren. Ráhkadit/oktiiheivehit policydokumenttaid mat gustojit olles ossodaga bargosurggiide. Ossodaga doaibmabušeahtta. Bargoveahkagearggusvuohta. Ekonomiijanjuolggadusaid čuovvoleapmi.

Analysa- ja sisaboahtosekšuvdna

Barggahan-, sisaboahto- ja bargomárkanpolitihka barggut. Bargat bargofápmogažaldagaiguin, barggus heaitima birra, seniorpolitihkalaš áŋgiruššan, bargosisafárren j.d. Barggut sisaboahto- ja bálkáčielggademiid hárrái, dása gullá ovddasvástádus Sisaboahtočielggademiid teknihkalaš meroštanvuođu dáfus. Šiehtadallamat eanandoallo-, dearvvašvuođabargiid joavkkuid ja oadjočielggademiid oktavuođas. Gozihit ja čielggadit bargomárkana ovdáneami, ja sisaboahto-, bálká- ja haddeovdáneami. Dutkan ja čielggadeapmi bargomárkan ja sisaboahto- ja bálkádilálašvuođaid hárrái.

Bargomárkansekšuvdna

Doaibmabijut maiguin nanne bargofámuid lassáneami. Bagadeapmi ja diehtojuohkin. Bargofámuid gaskkusteapmi. Bargomárkandoaimmat dábálaš ja fidnohehttejuvvon bargoohcciide. Bargomárkanpolitihkka dihto joavkkuid guovdu (nuoraid, sisafárrejeddjiid, fidnohehttejuvvomiid). Rádjeovttadat oahpahuspolitihkkii. Rádjeovttadat sosiála-, dearvvašvuođa- ja oadjopolitihkkii.

Juridihkalaš ja riikkaidgaskasaš sekšuvdna

Álbmotoadjolága kap. 4. Bargguhisvuođa beaiveruđat. Barggahanláhka/Bargomárkanláhka. Láhka bálkágeatnegasvuođa birra permitterema oktavuođas. Bargoláigojupmi. Eará juridihkalaš áššit.

Koordineret departemeantta oppalaš riikkaidgaskasaš barggu. Departemeantta áirras EEO-koordinerenlávdegottis.

Áššit mat gusket bargiid friddja johtimii EEO-šiehtadusa oktavuođas, ja áššit mat gusket EO`barggahanstrategiijjii ja EO` barggahanprográmmii. Koordineret davviriikkalaš ovttasbarggu bargoeallingažaldagaid hárrái. Koordineret eará riikkaidgaskasaš áššiid bargomárkansuorggis.

Bušeahtta- ja ekonomiijaossodat

Ekspedišuvdnahoavda Tom Gulliksen
Tlf. ovdakantuvra 22 24 85 37
Fáksa 22 24 87 11

Ossodaga ovddasvástádus lea oktiiordnet, kvalitehtasihkkarastin ja ráđđeaddin departemeantta ekonomiija- ja bušeahttabarggu oktavuođas, dás maiddái departemeantta barggu oktiiornen Stuoradiggeproposišuvnna nr. 1 buvttadettiin, siskkáldas ekonomiijastivren, riikkarevišuvdnaáššiid oktiiordnen ja etáhtastivrema ja oastimiid bajimuš policy ja vuogádatovddasvástádus. Ossodagas lea álbmotoaju rehkenastinjoavkku čállingoddi.

Čálgopolitihkalaš ossodat

Ekspedišuvdnahoavda Inger Gran
Tlf. ovdakantuvra: 22 24 85 01/86 30
Fáksa: 22 24 27 68

Ossodagas leat guhtta sekšuvnna.

Searvebálvalusaid sekšuvdna

Ossodaga bušeahtta- ja rehketdoalločuovvoleapmi. Etáhtastivren ja riikarevišuvdnaáššit. Eará searveáššiid koordineren ossodagas. Ovddasvástádus ossodaga ovdakantuvrabálvalussii.

Doaimmashehttejuvvomiid sekšuvdna

Koordineret politihka doaimmashehttejuvvomiid guovdu, ja daid osiid oadjopolitihkas mii gusto doaimmashehttejuvvomiidda.

Barguiheivehansekšuvdna

Politihkka, strategiijjat ja doaibmabijut vai nu olu fitnohehttejuvvomat go vejolaš sáhttet ealihit iežaset barggu bokte. Ovddasvástádus medisiinnalaš veajuiduhttima ja barguimáhcahanortnegiidda.

Buhcciidruđa ja bargonávccahisvuođaruđa sekšuvdna

Buhcciidruhta ja bargonávccahisvuođaruhta-/ealáhatruhta. Ovddasvástádus koordineret ja čuovvolit IA-soahpamuša.

Sosiálapolitihka sekšuvdna

Čuovvolit sihke sosiálabálvaluslága ja eará doaibmabijuid ja geahččalemiid suohkaniid guovdu. Koordineret barggu geafivuođain/eallineavttuiguin ja ossodaga DJO-bargguid. Koordineret departemeantta oktavuođa Sosiála- ja dearvvašvuođadirektoráhtii.

Ealáhatossodat

Ekspedišuvdnahoavda Bitten Sveri
Tlf. ovdakantuvra: 22 24 86 01/86 30
Fáksa: 22 24 27 65

Ossodagas leat guokte sekšuvnna ja okta bargogoddi.

Bargogoddi

Pláne ja hálddaša ossodaga. Ekonomiija ja bušeahtta. Etáhtastivre Riikaoadjodoaimmahaga ja Mearraolbmuid penšuvdnaoaju. Riikarevišuvdnaáššit. Iešguđetlágán čielggadeamit ja guorahallamat, rapporteren ja evalueren. DjO-doaibma.

Ealáhat- ja čielggadansekšuvdna

Álbmotoaju ealáhatvuogádat, dienas, veardideapmi j.d. Boarrásiid- ja oarbásiidpenšuvdna. Vuođđosubmimudden. Álbmotoaju sierraovdamunit fidnovahága geažil, ja dilli priváhta fidnovahátdáhkádusas. Álbmotoaju refušuvdnaortnegat fidnovahága ja johtolatvahága oktavuođas. Sohppojuvvon penšuvdna. Buohccidivššáriid, mearraolbmuid, guolásteddjiid ja vuovdebargiid penšuvdnaortnegat. Soahtepenšuvdna. Penšuvnnaid ja oajuid oktiiheiveheapmi. Hávdádusveahkki. Penšuvdnaođastus.

Riikkaidgaskasaš ja juridihkalaš sekšuvdna

Láhka- ja láhkaásahusbargu. Álbmotoaju oktasašmearrádusat. Oadjošiehtadusat eará riikkaiguin. EEO/EO- áššit ja davviriikkalaš áššit. Doarjaga ovdalgihtiimáksu ja doarjjagáibádusat. Muđui juridihkalaš oktasašáššit.

Hálddašan- ja bušeahttaossodat

Ekspedišuvdnahoavda Karl. A. Bilstad
Tlf.: ovdakantuvra 22 24 83 60/84 81
Fáksa: 22 24 87 11

Ossodagas leat golbma sekšuvnna.

Organisašuvdna- ja bargiidsekšuvdna

Bargit, OU, gelbbolašvuođaovdánahttin, gearggusvuohta, gulaskuddanáššit ja DjO- koordineren.

IT- ja dokumentašuvdnasekšuvdna

Departemeantta vuorkábálvalus. IKT ja diehtojuohkinvuogádagaid plánen, ovdánahttin ja doaibma. Viessodoaibmafunkšuvdna. Hálddahuslaš vuogádagaid geavaheaddjeveahkki. Ossodaga ovdakantuvrabálvalus.

Sámi ja minoritehtapolitihkalaš ossodat (SAMI)

Ekspedišuvdnahoavda Petter Drefvelin
Tlf.: ovdakantuvra 22 24 71 75
Fáksa: 22 24 95 38

Sámi- ja minoritehtapolitihkalaš ossodagas lea bajit ovddasvástádus hábmet ja oktiiordnet stáhta politihka sámi álbmoga ja nationála unnitloguid guovdu.

Sámepolitihka ovddideami ja oktiiordnema ovddasvástádussii gullá láhčit dilálašvuođaid nu ahte sámit sáhttet ovddidit ja nannet iežaset kultuvrra, giela ja ealáhus- ja servodateallima. Sámediggi lea sámiid ovddasteaddji álbmotválljen orgána. Sámi- ja minoritehtapolitihkalaš ossodagas lea Sámedikki bušeahta ja hálddahuslaš ovddavástádus guovddášhálddahusas, ja fuolaha ahte lea oktavuohta ja gulahallan gaskal ráđđehusa ja Sámedikki. Ossodagas lea fágalaš, hálddahuslaš ja bušeahta oktiiordnenovddasvástádus eará departemeanttaid ektui. Ossodagas lea maiddái ovddasvástádus váikkuhit ahte riikkaidgaskasaš álgoálbmotpolitihkka ovdána ja das lea ovddasvástádus oktiiordnet sámi áššiid davviriikkalaš dásis.

Ossodagas lea maiddái ovddasvástádus ovddidit ja oktiiordnet stáhta politihka nationála unnitloguid ektui, dat mearkkaša daid joavkkuid ektui main guhká jo lea leamaš gullevašvuohta Norgii, nu mo juvddálaččaid, kvenaid, rom, romániálbmoga (táhteriid) ja vuovdesuopmelaččaid ektui. Ossodat hálddaša vuođđodoarjaga organisašuvnnaide maid leat vuođđuduvvon dáid joavkkuid vuođul, ja ossodagas leat bargamušat oktiiordnet áššiid ovttas eará departemeanttaiguin.

Earret ovddasvástádusa Sámedikkis, lea ossodagas ovddasvástádus njealji unnit vuollásaš eiseválddis: Álgoálbmotvuoigatvuođaid gelbbolašvuođaguovddážis, Boazodoalu riikkaidgaskasaš fága- ja gaskkustanguovddážis ja Luonddu- ja boazodoallobálvalusaid resursaguovddážis.

Searvadahttin- ja girjáivuođaossodat

Ekspedišuvdnahoavda Barbro Bakken
Tlf.: ovdakantuvra 22 24 71 71
Fáksa: 22 24 02 65

Searvadattin- ja girjáivuođaossodaga (SGO) maid ekspedišuvdnahoavda Barbro A. Bakken jođiha, bargá searvadahttin- ja girjáivuođapolitihkain sisafárrejeaddjiid ja muđui álbmoga olis.

Sisafárrenossodat

Ekspedišuvdnahoavda Thor Arne Aass
Tlf.: ovdakantuvra 22 24 71 73
Fáksa: 22 24 95 48

Sisafárrenossodagas lea bajimuš ovddasvástádus hábmet ja oktiiordnet stáhta dorvoohcciid- ja sisafárrenpolitihka. Ossodaga ovddasvástádus lea olgoriikkalaččaidláhka ja stáhtalahttoláhka, ja daidda gulli láhkaásahusat. Ossodagas lea ovddasvástádus fuolahit Norgga beroštumiid EU ektui ja Norgga oassálastima Schengen-ovttasbarggus, ja das lea ovddasvástádus máŋgga riikkaidgaskasaš organisašuvnna ektui nu mo ONa Dorvoohcciid Allakommisára (UNHCR) ja International Organisation for Migration (IOM) ektui. Ossodat galgá maiddái čuovvolit ja oktiiordnet dan geavada ja policyovddideami mat gullet visum-, asyla-, bearašovttastumi ja bargolobi ohcamiid meannudeapmái. Ossodat meannuda maiddái daid váidagiid mat bohtet Norgga stáhtaláhttovuođaohcamiid hilguma geažil. Sisafárrenossodaagas lea ovddasvástádus hábmet njuolggadusaid stáhta dorvoohcciidvuostáváldinbáikkiid várás ja das lea ovddasvástádus čuovvolit daid jođiheami. Viidásappot lea ossodagas daid gažaldagaid ovddasvástádus mat gusket sisafárrejeaddji olgoriikalaččaid ruovttoluottaboahtimii Norgii, sin ruovttoluottasáddemii Norggas ja sin lobihis sisafárremii Norgii. Ossodaga barggu čađahit njeallje fágjoavkku mat dieđihit njealji ossodatdirektevrii.

Sisafárrenossodagas lea Olgoriikkalaččaiddirektoráhta ja Olgoriikkalaččaidnammagotti etáhtaovddasvástádus.