Mii lea Odin?

Organiseren

Odin lea oktasaš elektrovnnalaš diehtojuohkinbálvalus ráđđehusas ja departemeanttain. Odina guovddáš doaimmahus lea biddjon Stáda hálddahusbálvalussii, Diehtojuohkinhálddahussii. Juohke departemeanttas ja Stádaministara kántuvrras (SMK) lea iežaset báikkálaš Odin-doaimmahus. Bajimus ovddasvástádus Odinii lea Ođasmahttindepartemeanta (OMD) mii galgá čielggadit ja mearridit prinsihpalaš gažaldagaid, ja čájehit daid ráđđehussii jus leažžá dárbbašlaš.

Diehtojuhkkiin (departemeanttain, SMK:s ja guovddáš Odin- doaimmahusain) lea ovddasvástádus almmuhusaide ja diehtojuohkin divodemiide iežaset siidduin.

Ulbmil Odiniin

Ulbmil Odiniin lea bidjat olámuddui dieđuid ja ođasáššiid ráđđehusas ja departemeanttain Internehttii, ja dáinna lágiin oažžut guovddáš stádalaš hálddahusa ođđaáigásaš diehtojuohkinteknologiija bokte lagabui ja eambbo olámuddui.

Lohkki čalmmiin lea dehálaš ahte dieđut ráđđehusain, SMK:s (Stádaministara kántuvrras) ja departemeanttain leat ollislaččat, vuohkkasat ja dakkárat main álkit sáhttá ohcat áššiid. Bálvalus galga maid fállat interaktivitehta ja guovttebealgulahallama.

Historihkka

Odin almmuhuvvui geahččalanprošeaktan borgemánu 1. beaivvi 1995:s ja ásahuvvui bistevaš bálvalussan 1997:s dainna eavttuin ahte galggai čađahuvvot olggobealálaš árvvoštallan ja geavaheaddjiguorahallan. Norsk regnesentral árvvoštallama boađus lei ahte bálvalusas ”vaikko das leat ge headjuvuođat ja váilevašvuođat, de dat liikká ferte adnot mávssolaš bálvalussan mii deavdá dehálaš dárbbuid sihke politihkalaš eiseváldiin, hálddáhusas ja álbmogis”.

Ráđđehus attii njukčamánu 1998:s Odinii lobi ain leat guovddáš interneahtta bálvalussan departemeanttaide ja SMK:i. Stáda hálddahusbálvalus (Sh) oaččui Bargo- ja hálddahusdepartemeanttas (BHD) doaibmi ovddasvástádusa viidáseappot hábmet Odina čađahuvvo ráđđehusa mearrádusaid ja ávžžuhusaid mielde.

Prinsihpat

Odin galgá leat ollislaš ja geavaheddjiide álkis diehtojuohkinbálvalus. Bálvalus galgá leat almmolaš.

Stáda hálddahusbálvalus (Sh) lea ožžon ollislaš ovddasvástádusa doaimmahit Odina. Bajemus ovddasvástádus ja riekti mearridit doaimma njuolggadus- rievdadusaid jna. lea OMD:s, mii lea oamastandepartemeanta.

Addiforuma, mii lea sierra orgána, galgá bargat áššiiguin čadnon Odina doibmii. Forumas lea okta miellahttu juohke sisdoalloaddi nammii ja dan jođiheaddji lea Sh. Addiforumas lea váldi mearridit muhtin ráji gažaldagain main lea praktihkalaš ja prinsihpalaš hápmi. Jienasteamis lea juohke sisdoalloaddis okta jietna.

Áššit maid addiforuma ii sáhte mearridit guđđojuvvojit OMD:i.