Almmuheamit
Dás gávnnat ráđđehusa almmuhemiid, čielggademiid
(NAČ:id), raporttaid, gulaskuddan notáhtaid, bagadallamiid ja skoviid,
doaibmaplánaid, áigodagaid ja dokumeanttaid čadnon stádabušehttii.
Oanehaččat ráđđehusa almmuhemiid
birra
Ráđđehus váldá oktavuođa Stuoradikkiin
proposišuvnnaid ja dieđuid bokte:
Stuoradiggedieđáhusat (St dieđ)
geavahuvvojit go ráđđehus áigu čájehit áššiid Stuoradiggái mat
eai leat čadnon láhkaevttohussii dahje plenarmearrádussii.
Stuoradiggedieđáhusat leat dávjá dego raporttat Stuoradiggái, bargguid
birra mat leat dahkkon earenoamáš suorggis, dahje politihkalaš digaštallamat ja
evttohusat boahttevaš politihkkii. Dieđáhusat ja meannudeamit Stuoradikkis
ráhkadit dávjá vuođu boahttevaš proposišuvnnaide.
Stuoradiggeproposišuvnnat (St prp) geavahuvvojit go ráđđehus sihtá Stuoradikki dahkat
mearrádusaid mat eai leat láhkamearrádusat. Dát sáhttet leat áššit mat leat
čadnon stádabušehttii dahje eará mearrádusevttohusat. Dievas Stuoradiggi
gieđahallá stuoradiggeproposišuvnnaid ja dat mearriduvvojit
plenarmearrádusaid bokte.
Odeldiggeproposišuvnnat (Od prp) geavahuvvojit
láhkaáššiin, ležžet dal ođđa láhkaevttohusat dahje otná lágaid
heaittiheapmi ja rievdadeapmi. Go meannudit láhkaáššiid, de juohkása
Stuoradiggi Odeldiggái ja Lágadiggái.
Odeldiggedieđáhusat (Od
dieđ) geavahuvvojit láhkaáššiin go ráđđehus geassá ruovttoluotta
láhkaevttohusaid dahje osiid láhkaárvalusas.
Dasa lassin ásaha departemeanta lávdegottiid ja bargojoavkkuid mat
buktet čielggadusaid. Dát almmuhuvvojit juogo NAČ:n (Norgga almmolaš čielggadusat) dahje
raportan.
Almmuheamit leat dehálaš oasit aššemeannudeamis Stuoradikkis. Geahča
Stuoradikki áššemeannudeami dás.
Almmolaš almmuhemiid
dingon
