Forum for Development Cooperation with Indigenous Peoples

Bovdehus jagi 2005 Forumkonferánsii:

"Globalization, Cultural resources and Indigenous Peoples"

Mii bovdet dákko bokte buot berošteddjiid dán jagá konferánsii Ovddidanguovlluid eamiálbmotáššiid foruma olis, mii lágiduvvo Romssa universitehtas distagas golggotmánu 4. b. – bearjadahkii golggotmánu 7. b. 2005. Dán jagáš konferánssa namma lea: "Globalization, Cultural resources and Indigenous Peoples". Konferánssa ulbmiljoavku leat dutkanbirrasat, ovddidanbirrasat ja sámi birrasat main leat vásáhusat riikkaidgaskasaš eamiálbmotbargguin, ja eará berošteaddjit. Dán jagáš konferánssa ovttasbargoguoibmi lea "Kirkens Nødhjelp": (http://www.nca.no/).

Váldofáttát leat:

• "Globalization and Indigenous Peoples: Poverty and Education"
• "Cultural resources documentation and mapping"

Konferánssa geográfalaš fokus lea lulit Afriikka ja Gaska-Ameriikka, ja fáddán leat maiddái globaliserensproseassat mat váikkuhit eamiálbmogiid. Okta eará fáddá lea makkár sadji kultuvrras lea ovddidanbargguin eamiálbmogiid ektui.

Dasa lassin lea vejolaš temátiseret eará áigeguovdilis fáttáid "Forum update" oktavuođas. Prográmma ođasmahttimat ja eará dieđut biddjojuvvojit dađistaga min ruovttusiidui:  http://www.sami.uit.no/forum/.

"Ovddidanguovlluid eamiálbmotáššiid foruma" duogáš lea "Det norske urfolksprogrammet" árvvoštallan (UD Evaluation Report 8.98: "Evaluation of the Norwegian Program for Indigenous Peoples"), Stuorradikkedieđáhus nr. 21 (1999/2000 Menneskeverd i sentrum), ja ovddidanguovlluid álgoálbmot Čuovvulanplána bargu. Forum ásahuvvui 2000:s deaivvadansadjin gos iešguđet birrasat Norggas sáhttet lonohit iešguđetlágan álgoálbmot ovddidanbarggu vásáhusaid. Romssa universitehta fágaráđđi oktan olgguldas áirasiiguin Bergen universitehtas/IWGIA, Sámiráđis ja Kirkens Nødhjelpas jođihit foruma. Romssa universitehta Sámi dutkamiid guovddážis lea čállingottidoaibma. Rahpankonferánsa lágiduvvui 2000:s, ja čohkkii áirasiid norgga ja sámi birrasiin, dutkanbirrasiin ja ovddidanebirrasiin čađahit sávaldagaid ja vuordámušaid dákkár forumii. Forum lea fuolahan temátiseret ovttasbargoriikkaid ja Norgga strategiijaid iešguđet aspeavttaid mat gustojit álgoálbmogiid vejolašvuođaide ja ovdánemiide iežaset eavttuid vuođul.

Konferánsagielat leat sámegiella, davviriikkaidgielat ja eŋgelasgiella. Dieđiheapmi dán jagáš konferánsii "Globalization, Cultural resources and Indigenous Peoples" dahkkojuvvo elektrovnnalaš registrerenskoviin mii lea Foruma ruovttusiidduin: http://www.sami.uit.no/forum/. Oasseváldiid lohku lea ráddjejuvvon 200 olbmui. Dieđihanáigemearri lea čakčamánu 26. b. 2005.


Dearvuođaiguin

Professor Henry Minde
Ovddidanguovlluid eamiálbmotáššiid forum
Ráđi jođiheaddji

Terje G. Lilleeng
Vuosttaškonsuleanta

Dás sáhtát viežžat bovdehusa PDF-hámis