|
|
|
Sámi dutkandiehtovuođđu
Ulbmil
Romssa universitehta Sámi dutkamiid guovddáš lea ráhkadan sámi dutkandiehtovuođu. Diehtovuođus lea sámi dutkan ja eará eamiálbmotdutkan, ja dat galgá leat veahkkeneavvun buohkaide geat ohcet dieđuid sámi dutkama birra. Diehtovuođđu sáhttá maiddái leat ávkin sidjiide geat hálidit buohtastahttit dihto ovdánahttiniešvuođaid dán sutkansuorggi siskkobealde.
Go ozat
Diehtovuođđu lea temáhtalaččat lágiduvvon ja sáhttá ohcat iešguđet temáid mielde. Dutkit geat leat registreren dutkanprošeavttaid, leat geavahan iešguđetlágan gielaid (sáme-, dáro- ja eŋgelasgiela) registreredettiin. Danin berret don go ozat muhtun temá, čállit ohcansáni máŋgga gillii. Jus ovdamearkka dihte ozat boazodoallodutkanprošeavttaid, de berret ohcat máŋgga gillii: boazu, boazodoallu, rein, reindrift, reindeer, reindeer husbandry jnv.
Jus geavahat ”Advanced Search”, de sáhtát sirret dutkanprošeavttaid iešguđet surggiid ja riikkaid mielde dahje sáhtát maiddái sirret prošeavttaid mat rasttildit riikkarájiid ja fágarájiid.
Don sáhtát ohcat diehtovuođus dákko
Dađi mielde ráhkaduvvo maiddái liŋka sámi dutkandiehtovuđđui mii lea Fridas (mii lea universitehtaid dutkandiehtovuođđu) jus dutki maiddái lea registreren prošeavttaid Fridai
Go registreret prošeavtta
Sáhtát geavahit sámegiela, dárogiela dahje eŋgelasgiela go registreret dieđuid. Jus hálidat gaskkustit iežat registreremiid riikkaidgaskasaš álbmogii, de ávžžuhit du geavahit eŋgelasgiela.
Eará áigeguovdilis ohcanmotorat:
Gulahallanolmmoš Sámi dutkamiid guovddážis:
terje.lilleeng@sami.uit.no
|
|
|
