Stadig fleire sluttar på Høgskolen i Bergen (HiB)
før dei har fullført utdanninga si. Verst er det
på ingeniørutdanninga, der nesten halvparten forlet
studiet før dei er ferdige.
Også fleire andre studieretningar slit med å halda
på studentane. Totalt sett var det berre 73 prosent av
høgskolestudentane som fullførte på normert
tid i fjor.
Rektor ved Høgskulen, Karl Olav Nummedal, stadfestar
at tala aldri før har vore så låge.
– No vil vi prøva å finna ut årsaka
til at studentane sluttar, seier han.
