Seminaremne i Digital kultur

Mål og innhald

Mastergradsstudiet tar sikte på å gi ei grundig innføring i Digital kultur, i teoretiske og analytiske metodar og arbeidsteknikkar.

DIKULT304 er eit seminaremne i Digital kultur med vekt på sentrale spørsmål innan forsking på feltet Digital kultur. Emnet femner om relevant teori i tilknyting til eit nærare avgrensa tema. Tema for emnet vil variere, og kan til dømes vere:

• ein teoretisk tradisjon (t.d. feministisk teknologiforsking)
• ein metode (t.d. statistisk analyse av samhandling på nett)
• eit tema (t.d. bruk av sosiale medium i politikken)
• ein sentral problemstilling (t.d. internasjonale relasjonar i nettverkssamfunnet)

Tema vert annonsert ved semesterstart.

Ein sentral del av emnet er å delta i diskusjonar og munnlege presentasjonar.

Læringsutbyte/resultat

Etter å ha tatt emnet skal studentane ha:

• utdjupande kunnskap om eit sentralt tema innan Digital kultur
• kunnskap om og erfaring frå argumentasjon, diskusjon og presentasjon i ei akademisk form

Studentane skal etter ferdig kurs kunne:

• opparbeide seg djupnekunnskap innan eit avgrensa tema på eige hand
• analysere og ta stilling til kompliserte forskingsspørsmål
• kunne førebu og halde ein munnleg akademisk presentasjon

Undervisningssemester

Vår

Undervisningsspråk

Engelsk

Studienivå

Master og PhD

Krav til studierett

Emnet er ope for alle med studierett på masterprogrammet i Digital kultur. Studentar på andre masterprogram ved Universitetet i Bergen kan søkje Institutt for lingvistiske, litterære og estetiske studier om å få melde seg til emnet.

Krav til forkunnskapar

Ingen.

Tilrådde forkunnskapar

Studentane bør ha gjennomført DIKULT301 og DIKULT302.

Undervisning og omfang

Undervisinga vil skje i form av eit vekevis seminar over tretten veker.

Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mi Side. På emne der dette kan vere aktuelt vil studentane få informasjon om det ved semesterstart, og før semesterregistreringsfristen 1. februar / 1. september.

Obligatoriske arbeidskrav

To munnlege presentasjonar i seminargruppa.

For å kunne gå opp til eksamen krevst det at studenten har delteke i minst 75 prosent av undervisninga og i dei aktivitetane som undervisninga femner om. Kursdeltakinga blir godkjend av emneansvarleg.

Vurderingsformer

Munnleg presentasjon på 20 minutt over eit oppgitt tema som er knytt til undervisninga. Tema for foredraget blir gitt 7 dagar før eksamen.

Dei munnlege presentasjonane kan bli arrangert som ein konferanse for deltakarane på emnet og fagmiljøet.

Karakterskala

Karakterskala A - F.
PhD-studentar får karakteren bestått/ikkje bestått.

Læremiddelomtale

Pensum er på om lag 1000 sider, der om lag halvparten blir individuelt valt av studentane, i samråd med faglærer.

Undervisningsstad

Bergen

Emneevaluering

Evaluering blir gjennomført i tråd med Universitetet i Bergen sitt kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no