Kjønn, seksualitet, kultur

Mål og innhald

Læringsmål

KUVI106 tek sikte på å gje ei innføring i korleis kjønn og seksualitet kan analyserast frå eit kulturvitskapleg perspektiv, både i vår eiga tid og i andre historiske periodar. Sentrale spørsmål dreier seg om kulturelle konstruksjonar og iscenesetjingar av kjønn og seksualitetar.

Fagleg innhald

KUVI106 rettar søkjelys på den kulturelle konstruksjonen av kjønn og seksualitetar og søkjer å avdekkja dei kulturelle mønstra som er med å forma individa til dei tilsynelatande faste kategoriane mann og kvinne, hetero og homo. Emnet fokuserer på korleis meiningsinnhaldet i kjønns- og seksualitetskategoriane blir produsert, reprodusert og eventuelt endra. Teoretisk vil emnet trekkja vekslar på kulturteori og generell kjønnsteori.

Læringsutbyte/resultat

Kunnskapar

Ved fullført emne skal studentane ha kunnskap om ulike måtar å analysera kjønn og seksualitet ut frå eit kulturvitskapleg perspektiv.

Ferdigheiter

Studentane har fått kjennskap til relevante problemstillingar og forskingsarbeid innan fagområdet.

Generell kompetanse

Studentane kan skriva ein resonnerande tekst og kan kommunisera om faglege tema med andre med bakgrunn innan fagområdet. 

Undervisningssemester

Vår.

Undervisningsspråk

Norsk.

Studienivå

Bachelor.

Institutt

Institutt for arkeologi, historie, kultur- og religionsvitskap.

Krav til studierett

Emnet er ope for studentar med studierett ved UiB. Eksamen er open for personar utan studierett etter søknad til Det humanistiske fakultet, sjå: http://www.uib.no/hf/utdanning/opptak/saerskilt-eksamen-ved-det-humanistiske-fakultet 

Krav til forkunnskapar

Ingen.

Tilrådde forkunnskapar

Ingen.

Fagleg overlapp

KUVI256

Undervisning og omfang

Undervisinga blir gjeve i form av førelesingar og seminar.

Obligatoriske arbeidskrav

Studenten skal skriva to oppgåver med oppgitte emne. Kvar oppgåve skal vera på om lag 1200 ord. Faglærar gir skriftlege tilbakemeldingar på oppgåvene. Fristar for innleveringar blir kunngjort på Mi side. Obligatoriske aktivitetar er gyldige i to semester etter det undervisingssemesteret dei vart godkjende.

Vurderingsformer

Eksamen er ein 6 timars skuleeksamen. Alle obligatoriske arbeidskrav må vera oppfylte for at studenten skal kunna møta til eksamen.

Karakterskala

Det blir nytta bokstavkarakterar på ein skala frå A til F, der F er stryk.

Læremiddelomtale

Instituttet utarbeider pensumlister, pensum er på 1200 - 1500 sider.

Undervisningsstad

Bergen.

Emneevaluering

Studentane vil med jamne mellomrom bli bedne om å evaluera emnet.

Kontaktinformasjon

Studierettleiar@ahkr.uib.no