Musikalsk refleksjon I

Læringsutbyte/resultat

Studentane skal kunne:

• uttrykkje og formidle relevante musikalske problemstillingar knytta til utøving eller komposisjon
• evne å setje seg inn i og diskutere ulike kunstnariske posisjonar/diskursar innan utøving eller komposisjon
• evne å søkje og kritisk handsame relevant kjeldemateriale (litteratur, partitur, innspelingar m.m.) i det utøvande eller skapande arbeidet
• ha bevisstheit om og argumentera for eigne kunstnariske val

Undervisningssemester

Haust.

Undervisningsspråk

Det vil bli brukt både norsk og engelsk i undervisninga. Individuell rettleiing vil bli gitt på norsk eller engelsk etter behov. Undervisning i seminarform/gruppe vil, avhengig av den språklege samansetninga av studentgruppa, gå føre seg på norsk eller engelsk.

Studienivå

Master

Krav til studierett

Opptak til Masterprogram i utøvande musikk eller komposisjon.

Krav til forkunnskapar

Ingen.

Tilrådde forkunnskapar

Me føreset at studenten er teken opp til mastergradsprogrammet i utøving eller komposisjon.

Undervisning og omfang

Undervisninga vert gitt i form av felles samlingar og individuell rettleiing gjennom heile semesteret. Det vil vere eigne undervisningsplanar for utøvarar og komponistar. Samlingane vil kunne vere i form av førelesingar, diskusjonsfora, forberedte studentpresentasjonar, meisterklassar, oppgåveseminar eller spesielle utøvande/skapande fellesprosjekt.

Obligatoriske arbeidskrav

• All undervisning er obligatorisk. Fråvær på meir enn 20% fører normalt til tap av eksamensrett.
• Godkjenning av tema for semesteroppgåve/føredrag.
• Rettleiing på heimeoppgåve/føredrag.

Godkjende obligatoriske arbeidskrav er gyldige i to semester etter ordinært eksamenssemester.

Vurderingsformer

Anten:

Skriftleg semesteroppgåve på ca.10 sider (30.000 teikn +/- 10%)), marg 2,5 cm. Times New Roman 12p, linjeavstand 1,5. Illustrasjonar, litteraturliste og vedlegg kjem i tillegg.

Eller:

Føredrag (konsert- eller demonstrasjonsføredrag, varigheit: ca. 30 minutt).

Oppgåveemnet må knyttast til problemstillingar innan det utøvande eller skapande arbeidet, og kan til dømes være eit innleiande forprosjekt til fordjupingsemnet MUV351. Emnet må godkjennast på førehand av rettleiar.

Dersom ein har valt vurderingsforma semesteroppgåve i MUV301, må ein velje føredrag i MUV302. Dersom ein har valt vurderingsforma føredrag i MUV301, må ein velje semesteroppgåve i MUV302.

Intern sensur med minst to interne sensorar, der den eine normalt er rettleiaren i fordjupingsemnet.

Karakterskala

Greidd eller ikkje greidd.

Læremiddelomtale

Det vil bli utarbeidd eit utval av tekstar (kapittel frå bøker, artiklar m.m) for kvart semester.

Undervisningsstad

Bergen

Emneevaluering

Det blir gjennomført evaluering i form av spørreskjema. Ein skriftleg rapport blir utarbeidd.

Kontaktinformasjon

Griegakademiet ¿ Institutt for musikk. E-post: studierettleiar@grieg.uib.no