Musikalsk fordjupningsemne

Mål og innhald

Emnet skal styrkje evna til fagleg refleksjon og sjølvstende gjennom arbeidet med ei musikalsk fordjuping. Fordjupinga skal knyttast til eiga utøving/skaping, og ha ein avgrensa og tydeleg definert problemstilling, som til dømes kan dreia seg om interpretasjon, oppføringspraksis, stilforståing, verkforståing/analyse, ein historisk epoke, ein komponist, eit musikalsk miljø eller refleksjonar over kompositoriske problemstillingar som er knytte til visse teknikkar og estetiske uttrykk.

Læringsutbyte/resultat

Studentene skal kunne:

• evne å setje seg inn i og avgrense eit temaområde med relevans for eiga utøving/komponering
• uttrykkje, diskutere og formidle relevante musikalske problemstillingar
• evne å søkje og kritisk behandle relevant kjeldemateriale (tekstar, partitur, innspelingar m.m.) i arbeid med eiga utøving/komponering
• bevisstgjere seg og argumentere for eigne kunstnariske vurderingar i arbeidet med eiga utøving/komponering

Undervisningssemester

Haust og vår. Emnet starter i haustsemesteret, og går over to semester.

Undervisningsspråk

Det vil bli brukt både norsk og engelsk i undervisninga. Individuell rettleiing vil bli gitt på norsk eller engelsk etter behov. Undervisning i seminarform/gruppe vil, avhengig av den språklege samansetninga av studentgruppa, gå føre seg på norsk eller engelsk.

Studienivå

Master

Krav til studierett

Opptak til Masterprogram i utøvende musikk eller komposisjon.

Krav til forkunnskapar

For utøvarar må emna MUV301, MUV302, MUV310 og MUV311 vere gjennomførde og greidde. For komponistar må emna MUV 301, MUV302, MUV315 og MUV316 vera gjennomførde og greidde.

Undervisning og omfang

Undervisninga er individuell rettleiing gjennom begge semestra og einskilde fellesseminar.

Obligatoriske arbeidskrav

All undervisning er obligatorisk. Fråvær på meir enn 20% fører normalt til tap av eksamensrett. Godkjende obligatoriske arbeidskrav er gyldige i to semester etter ordinært eksamenssemester.

Vurderingsformer

Anten:

Ei skriftleg oppgåve (lengd 20-25 sider, 60.000 ¿ 75.000 teikn +/- 10%, linjeavstand 1.5 marg 2.5 cm, Times New Roman 12p). Illustrasjonar, litteraturliste og vedlegg kjem i tillegg.

Eller:

Eit føredrag (konsert- eller demonstrasjonsforedrag, lengd: ca. 60 minutt) som det skal gjerast lyd ¿ og bildeopptak av.

Anten ein skriv oppgåve eller held eit føredrag, skal ein lage eit samandrag av fordjupingsarbeidet på engelsk (1-2 sider) med tilhøyrande kjeldeliste.

Oppgåva eller føredraget skal vere levert/gjennomført innan 15. mai i vårsemesteret (15. november i haustsemesteret).

Sensur: minst to sensorar, der ein skal være ekstern.

Karakterskala

Greidd eller ikkje greidd.

Undervisningsstad

Bergen

Emneevaluering

Jamleg evaluering skjer i dialog mellom rettleiar i fordjupingsemne og studenten.

Kontaktinformasjon

Griegakademiet ¿ Institutt for musikk. E-post: studierettleiar@grieg.uib.no