Spesialemne II for komponistar

Mål og innhald

Gjennom emnet skal studenten utvikle eit sjølvstendig kunstnarisk uttrykk på høgt nivå, og få utvikle spesialiseringa si gjennom høveleg teoretisk og praktisk arbeid.

Studenten skal framstille eit større verk eller fleire kortare verk eller satsar for framføring, anten med krefter frå instituttet eller med musikarar utanfrå. Lengd og kompleksitet vert avtalt med faglærar. I samband med arbeidet skal studenten setja seg inn i aktuelle problemstillingar, relevante verk og teknikkar. Når det er mogleg, skal studenten delta aktivt i innstuderinga.

Studenten skal gje ein munnleg presentasjon av dette arbeidet, til dømes i seminarform. Presentasjonen kan dreia seg om eige verk og produksjonsprosess, det kan vera ei utgreiing om relevant bakgrunnslitteratur og verkstudiar, teknikkar som er brukte, og så vidare.

Læringsutbyte/resultat

Studenten skal kunne

- gjennom arbeidet framvise ei sterk kunstnarleg uttrykksevne og utvikling av eit personleg tonespråk

- vise sjølvstende og klare målsettingar i arbeidet med eigne komposisjonar

- realisere og formidle sine musikalske intensjonar på eit høgt kompositiorisk nivå

-  kritisk belyse sine eigne kunstnarlege val  og løysingar  i høve til sentrale stilartar og aktuelle tradisjonar

Undervisningssemester

Vår

Undervisningsspråk

Det vil bli brukt både norsk og engelsk i undervisninga. Individuell rettleiing vil bli gitt på norsk eller engelsk etter behov. Undervisning i seminarform/gruppe vil, avhengig av den språklege samansetninga av studentgruppa, gå føre seg på norsk eller engelsk.

Studienivå

Master

Krav til studierett

Opptak til Masterprogramt i utøvende musikk eller komposisjon.

Krav til forkunnskapar

Ingen

Undervisning og omfang

Studenten får individuell rettleiing av rettleiar i hovuddisiplin.

Obligatoriske arbeidskrav

All undervisning er obligatorisk. Fråvær på meir enn 20 % fører normalt til tap av eksamensrett. Godkjende obligatoriske arbeidskrav er gyldige i to semester etter ordinært eksamenssemester.

Vurderingsformer

Skriftleg semesteroppgåve på ca.10 sider (30.000 tegn +/- 10%), marg 2,5 cm. Times New Roman 12p, linjeavstand 1,5. Illustrasjonar, litteraturliste og vedlegg kjem i tillegg.

Eller:

Føredrag, varigheit: ca. 30 minutt).

Dersom ein har valt vurderingsforma semesteroppgåve i MUV315, må ein velje foredrag i MUV 316. Dersom ein har valt vurderingsforma føredrag i MUV316, må ein velje semesteroppgåve i MUV315.

Vurderinga vert gjort av minst to faglærarar, der den eine normalt er rettleiar i hovuddisiplin.

Karakterskala

Greidd eller ikkje greidd.

Emneevaluering

Jamleg evaluering skjer i dialog mellom lærar i hovuddisiplinen og studenten.

Kontaktinformasjon

Griegakademiet ¿ Institutt for musikk. E-post: studierettleiar@grieg.uib.no