Litteraturvitskapleg retorikk

Mål og innhald

Særemnet kan byggjast opp omkring eitt av følgjande område, eller ein kombinasjon av desse: 1) den litterære retorikkens historie og system, 2) tropar og figurar i studiet av skjønnlitterære og/eller sakprosatekstar/essayistikk, 3) ein eller fleire tradisjonar eller periodar i litterær retorikk og stilistikk (eksempel: retorikk i litteratur og lov og rett, Leo Spitzers stilhistoriske studiar, narrativ retorikk og teori), 4) ein sentral litteraturvitskapleg retorikk-teoretikar (eksempel: Roland Barthes, Paul de Man, Kenneth Burke).

Innanfor ei spesialisering i allmenn litteraturvitskap skal programstudentar på retorikkprogrammet under studiet ta ALLV101, 102, 103 og 104. For denne spesialiseringa er RET206 det obligatoriske teoretiske særemnet på 200-nivå: i tillegg kjem det skjønnlitterære særemnet ALLV202 (eller KVIK203).

RET206 skal gje studentane høve til å fordjupe seg i litterær retorikk og retorisk fortolking og analyse av ulike typar litterære tekstar innanfor både skjønnlitterære og ikkje-skjønnlitterære sjangrar.

Emnet er ein del av bachelorprogrammet i retorikk. Studentar på dette programmet med enkel spesialisering i retorikk, kan ta RET206 som eitt av valemna på 200-nivået.

Studentar på bachelorprogrammet i litteraturvitskap og bachelorprogrammet i kjønnsstudium kan ta RET206 i staden for ALLV201 som det litteraturteoretiske emnet på 200-nivået i ei spesialisering i allmenn litteraturvitskap.

RET206 kan også takast som frie studiepoeng.

RET206 kan gå inn i ein mastergrad i allmenn litteraturvitskap om det ikkje allereie inngår som ein del av studenten sin bachelorgrad.

Læringsutbyte/resultat

Å forstå retorikk i tale og skrift og kunne analysere både skjønlitterære og ikkje-skjønnlitterære tekstar retorisk, å tilegne seg innsikt i den klassiske retorikken, retorikken si historie og i nyretorikk, også på samfunnsområde der retorikk er viktig, som i rettsvesenet og i politikk.

Undervisningssemester

Vår

Undervisningsspråk

Norsk

Studienivå

Bachelor.

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen

Tilrådde forkunnskapar

ALLV101-104.

Fagleg overlapp

RET256: 15 studiepoeng

Undervisning og omfang

Undervisninga er felles med RET256.

Det blir gjeve undervisning i form av seminar, ca. 30 timar per semester.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Studentane skal halde eit munnleg innlegg på seminaret, som skal godkjennast av faglærar.
Studentane må levere inn og få godkjent pensumliste for emnet. Opplysningar om innleveringsfristar står på Mi Side og blir opplyst ved instituttet.

Vurderingsformer

Studentane kan velje mellom: anten 1) seks-timars skuleeksamen, eller 2) ei halv times prøveforelesing med 7 dagars førebuing i eit oppgitt emne.

Karakterskala

Karakterskala A - F.

Læremiddelomtale

Pensum i det litteraturvitskaplege særområdet omfattar ca åtte verk. Av desse skal minst 2 vere av ikkje-teoretisk art (essays, sakprosa, skjønnlitteratur). Eit utval på 100 sider litteraturteori gjeld som eitt verk. Likeins tel eit utval på 25 sider lyrikk eller 150 sider kortprosa som eit verk. Dei litterære verka skal helst lesast på originalspråket. Normalt kan studentane ikkje føre opp verk som dei har lagt opp ved tidlegare fageksamenar. Unntak frå denne regelen kan berre gjerast i samråd med faglærar. Pensum skal godkjennast av fagmiljøet. Studentane blir rådde til å byggje pensumet sitt på tekstar og verk som er nytta i undervisninga, men det er også høve til å leggje opp eit individuelt pensum i samråd med faglærar.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no