Vitnemål
Du får vitnemål når du er ferdig med utdanninga di. Vitnemålet er den offisielle stadfestinga på fullført utdanning.
Vitnemål for fullført studieprogram
Når du nærmar deg slutten av studietida på programmet ditt, undersøkjer fakultetet om du fyller krava til ein grad. Dersom du fyller krava, vil du normalt få vitnemålet ditt automatisk.
Hausten 2015 endrar UiO gradstitlane for deg som fullfører eit bachelorprogram.
Vitnemål for fritt samansett bachelorgrad
Dersom du fyller krava til ein fritt samansett bachelorgrad, må du sjølv bestille vitnemål. Du bestiller vitnemålet frå fakultetet der du har teke den faglege fordjupinga i bachelorgraden.
Diploma Supplement
Saman med vitnemålet får du automatisk eit vitnemålstillegg på engelsk, Diploma Supplement. Vitnemålstillegget forklarar utdanninga di og det norske utdanningssystemet for utanlandske lesarar.
Karakterutskrift
Vitnemålet blir sendt ut berre éin gong og viser dei emna som inngår i graden din. Emne du tek etter at du har oppnådd graden, blir dokumentert med karakterutskrift. Du kan bestille karakterutskrift både før og etter at du har fått vitnemål.
Korleis få vitnemål?
- Det humanistiske fakultet
- Det juridiske fakultet
- Det matematisk-naturvitskaplege fakultet
- Det medisinske fakultet
- Det odontologiske fakultet
- Det samfunnsvitskaplege fakultet
- Det teologiske fakultet
- Det utdanningsvitskaplege fakultet
Stadfeste vitnemål
Dersom arbeidsgjevarar eller andre er i tvil om eit vitnemål frå UiO er ekte, kan dei be om ei stadfesting.
Spørsmål?
Kontakt studieinformasjonssenteret på fakultetet.