Radaren registrerer korleis nedbøren flyttar seg ved å sende ut radarstrålar. Radaren får tilbake eit ekko når strålane treff nedbørspartiklane. Animasjonen over viser nedbør dei siste timane. Det siste biletet i animasjonen i er i nær sann tid (det tek om lag 15 minutt å handsame biletet).

I nokre situasjonar treff strålane andre typar partiklar i lufta, og vil feilaktig vise dette som nedbør. Dette kallar vi falske ekko . Eit kjennetekn på falske ekko er at dei flytter seg svært lite.