|
60 studiepoeng (20 vt)
FØREMÅL
Studiet i kroppsøving skal primært utdanne kroppsøvingslærarar for grunnskulen. Gjennom praktiske aktivitetar, teoretiske emne og undervisningspraksis skal studentane tileigne seg dugleik, erfaring, kunnskap og innsikt i fagområdet kroppsøving i grunnskulen.
INNHALD I STUDIET
1. Praktiske aktivitetar:
Friidrett, orientering, friluftsliv i ulike miljø, ballspel (fotball, volleyball, basketball, handball og ballskule (generelt ballspel, slag-leikar, nettballspel)), symjeidrett med livberging, skiidrett, reiskapsgymnastikk/turn, RDD (rytmikk,dans,drama), praktisk treningslære og grunnleggjande rørsler.
2. Teoretiske emne:
- Idrettspedagogikk med tilpassa opplæring (fagmetodikk, didaktikk, psykologi, sosiologi og kroppsøvingshistorie).
- Treningslære og helselære (treningsmetodikk, anatomi, fysiologi, hygiene).
- Rørslelære og ergonomi (anatomi og fysiologi for rørsleapparatet, mekaniske lover for stillingar og rørsler).
- Forsøks og utviklingsarbeid (systematisk og kritisk arbeid med faglege spørsmål, metodelære, oppgåveskriving osv.).
3. Praksis:
Praksisarbeidet vil omfatte:
- Skulepraksis, undervisning i kroppsøving ved grunnskular, vidaregåande skular osv. for dei som tek kroppsøving som 4. året i lærarutdanninga.
- Annan instruksjonspraksis (30t) for dei som ikkje høyrer inn under føregåande strekpunkt.
- Praksis med funksjonshemma (for alle studentane).
-Undervisningspraksis med medstudentar ( to emnepraksisprøver).
4. Prosjektarbeid:
Forsøks- og utviklingsarbeid (gruppevis skrive ei oppgåve på 30-40 sider).
Arbeidsformer
Arbeidsformer i studiet vekslar mellom førelesingar, praktisk arbeid, gruppearbeid, kollokvium, sjølvstudium og eigentrening, ekskursjonar/ kurs (m.a. ei vekes skikurs på Bjorli og fleire kurs over to-tre dagar i friluftsliv - kyst, fjell, sumar og vinter) i nærmiljøet.
Ein må rekne med at det vert ca. 15000.-kr i utgifter til reiser og kurs, litteratur, personleg utstyr (kle, fottøy, sovepose, liggjeunderlag, ski osv.)
Kompetanse
Studiet kan nyttast som fjerde år i allmennlærarutdanninga, eller det kan danne grunnlag for vidaregåande studium/ mellomfag i idrett/kroppsøving. Studieeininga kan òg gå inn som ein del av ei faglærarutdanning.
Studiet gir grunnlag for arbeid i grunn- og vidaregåande skule, forsvaret, kulturetaten i kommuner, idrettslag og liknande.
OPPTAKSKRAV
Generell studiekompetanse for høgare utdanning.
Det er ingen spesielle krav til idrettsleg erfaring, men vi rår til at den som kjem inn er i normalt god fysisk form.
Fagplan i Studiehandbok >>
Oppdatert 15. feb 2002
|
