|
Dette studiet bygg vidare på kunst og handverk 2 og er bygd opp som ein fellesmodul av kunst og formkultur, bilde, arkitektur og bruksform (7vt) og ein fordjupingsmodul (3vt) som legg vekt på utforskande, skapande arbeid med teoretisk og didaktisk forankring innafor eit sjølvvald område.
Innhald
Felleseining (7vt) Sentrale emne innafor målområda er filosofisk og kunnskapsteoretisk forankring i faget, auka kunnskap om og evne til visuell kommunikasjon, vidareutvikling av bildekompetanse, fokusering på visuelle miljø inne og ute og arbeid med problemstillingar knytt til design og miljø.
Fordjuping (3vt) Studentane skal kunne fordjupe seg i t.d. eige skapande arbeid, kulturelle ytringsformer, estetiske verkemiddel/visuelle kodar, material og teknikkstudier, digitale uttrykksformer som estetiske uttrykk m.m. Resultatet her skal innehalde både utstilling av praktisk arbeid og skriftleg rapport. Sjå elles studiehandboka.
Arbeidsformer
Dette studiet har varierte organiserings- og arbeidsmåtar. Studiet legg i større grad vekt på ei undersøkjande og utforskande arbeidsform, refleksjon og visuelle presentasjonsformer. Det praktisk skapande arbeidet har hovudtyngda.
Kompetanse
Studiet kan nyttast som 4. år i almenlærarutdanninga eller som fagutdanning og gi grunnlag for opptak på mellom- og hovudfagsnivå.
|
