Om Høgskulen / Samfunnsfag og historie / Forvrett1 (Blank) / Velkomstbrev-utkast / -

-

                                                                                                                             Dato: 26.08.02

Kjære nettstudent!

Velkomen som student ved Høgskulen i Volda. Studiet startar måndag 2. september med innføringskurs.

Slik finn du fram til studiet: Gå til: http://www.hivolda.no/asf/avdelingsside/index.html. Der finn du ei lenke til Nettbaserte studiar i venstre margen. Her finn du eit oversyn over nettstudia ved Avdeling for samfunnsfag. Trykkjer du på lenkja for ditt aktuelle studium kjem du inn på ei side der du finn informasjon om studiet som studieplan, pensum, eksamen m.m. Alle undervisningsaktivitetar på studiet går føre seg på nettet via eit dataprogram kalla ClassFronter (CF). På studiet si nettside finn du ei lenke til innloggingssida, http://fronter.com/hivolda/. Når du loggar deg inn vil du få tilgang til undervisningsaktivitetane knytt til det studiet du er oppteken på.

Etter at du registrerte deg som student skal du ha fått tildelt brukarnamn og passord. Dersom du ikkje har fått brukarnamn og passord eller har problem med å logge deg på kan du ta kontakt med

Studentkontoret, Telefon: 7007 5018, E‑post: studentkontoret@hivolda.no Heimeside: http://www.hivolda.no/studentkontoret/

NB! Du må skille mellom store og små bokstavar. Pass på at du ikkje får med mellomrom når du skriv inn brukarnamn og passord.

Vi ber elles om at dei som ikkje har registrert e-postadresse, snarast råd sender ein e-post til studentkontoret@hivolda.no. Det er den e-postadressa du fører opp her som styrer kvar vi sender informasjon i samband med studiet. Dersom du er i tvil om du har registrert rett e-postadresse, kan du første gong du loggar deg inn på klasseromet (ClassFronter) trykke på Deltakar-knappen i venstre marg. Då får du opp ei liste over dei som er studentar ved studiet med e‑postadresser.

Kva vil det seie å vere Nettstudent?
Høgskulen i Volda er fagleg ansvarleg og eksamensansvarleg for studia. Det tyder mellom anna at det er vi som leverer fagstoff, fagplan, eksamensoppgåver, vitnemål og sensur. Vi arrangerer òg lokal og desentralisert eksamen. I praksis tyder det at påmeldingar, avmeldingar og eventuelle utsettingar både av studie og eksamen skjer skriftleg via studiekontoret sine nettsider: http://www.hivolda.no/studentkontoret/. For å få gjort ein del praktisk‑ad­ministrative oppgåver, som å melde deg opp til eksamen, må du nytte Arena høgskule. Det følgjer eit eige brev om Arena høgskule med informasjon, brukarnamn og passord. No i byrjinga kan du konsentrere deg om sjølve studiemiljøet, som du har fått lenke, brukarnamn og passord til i vedlagde brev. Nærare informasjon om eksamen vil følgje seinare i studiet.

I eit slikt Nettstudie er det på sin plass å dra fram floskelen; ”fridom under ansvar”. Det går mykje på det å strukturere di eiga tid, ta del i dei aktivitetane vi legg til rette for, gjere dei oppgåvene vi legg til rette, og lese pensum. Faglitteratur som står på pensumlista er og pensum, sjølv om alt ikkje er direkte handsama i leksjonane.

Du er i tillegg ansvarleg for å orientere deg i dine rettar og plikter som student. Vi freistar i størst mogleg grad å peike, understreke og rettleie for å gjere dette så enkelt som råd for deg, men vi kan ikkje få vist til alt du treng å vite til einkvar tid. Då ville vi drukne deg i ein stadig informasjonsflaum.

Å studere er svært krevjande, og all erfaring tilseier at innsats og engasjement må til for å få til eit godt resultat. Det å studere ved hjelp av informasjons- og kommunikasjonsteknologi stiller dykk overfor store utfordringar.For dei fleste av dykk er dette ein studiesituasjon som er heilt ulik den de har erfaring frå tidlegare. Denne typen studium krev nok i endå større grad enn for andre studiar at du tek ansvar for eigen læringsprosess. Eit godt råd vil vere at de i tillegg til å lese forelesingar og pensum nyttar gruppeforum og kontakt med andre studentar og faglærar til å skape eit aktivt læringsmiljø. Vi skal prøve å gjere vårt for at dette skal verte eit godt tilbod, men skal vi lukkast er vi avhengige av aktive studentar og eit godt samarbeid.

Til slutt… Dette brevet går til alle registrere søkarar. Ver merksam på at du IKKJE offisielt vert rekna som student før du har fått tilsegn om opptak frå høgskulen og har svara ja på den.

Vi gler oss til å ha deg som student. Lukke til!

Tilbake til hovudside nettstudium

Skriv ut