Om Høgskulen / Samfunnsfag og historie / Planlegging og administrasjon / intgmod / Avdeling for samfunnsfag>

Avdeling for samfunnsfag> P {font-size: 10pt; font-family: "Verdana"; line-height: 12pt; margin-right: 10%; margin-top: 1%; margin-left: 0%} H1 {font-size: 11pt; font-family: "Verdana"; font-weight: bold; line-height: 12pt; margin-left: 0%; margin-top: 1%; margin-right: 10% } A{text-decoration: none;} A:link{color: #0000FF;} A:visited{color:#0000FF;} --> Integrasjonsmodulen med masteroppgåve

30 studiepoeng (10 vt.) vidareutdanning - ein obligatorisk modul i mastergradsstudiet i samfunnsplanlegging

Mastergrad i samfunnsplanlegging
Dette er ei toårig yrkesretta vidareutdanning for folk med minimum tre år høgare utdanning. Studiet passar godt for dei som ønskjer eit djupare teoretisk fundament og ei kritisk forståing av metodar for plan- og utviklingsarbeid i samfunn og organisasjonar. Studiet kan takast på heiltid eller deltid. 

Mastergradstudiet i samfunnsplanlegging er samansett av fire tivekttalsmodular som saman utgjer 120 studiepoeng (40 vt).To modular er obligatoriske og to er valfrie. Dei obligatoriske modulane er Fellesmodulen i samfunnsplanlegging og Integrasjonsmodulen med masteroppgåve.

Læringsmål
Målet med Integrasjonsmodulen med masteroppgåve er å gi studentane vitskapsteoretisk og metodisk innsikt i plan- og utgreiingsarbeid som grunnlag for utarbeiding av masteroppgåva. Det blir lagt vekt på å samanstille og utvikle den teoretiske og praktiske kompetansen til studentane.

Undervisning og oppgåveskriving
Undervisninga er lagt opp med fem vekesamlingar fordelt på heile studieåret. Undervisningsopplegget er ein kombinasjon av forelesingar, gruppearbeid, presentasjon og drøfting av pensum.

I samråd med dei faglansvarlege skal studentane velje tema for ei masteroppgåve. Oppgåva skal vere eit skriftleg arbeid som drøftar ei avgrensa problemstilling. Studentane kan gjerne ta utgangspunkt i problemstillingar frå eigen praksis og drøfte dei i lys av teoriar, modellar og aktuell forståing. Arbeidet med oppgåva vert tillagt stor vekt i læringsprosessen og det vil difor bli avsett tid på kvar samling til å drøfte tema, problemstillingar og metodiske tilnærmingar. På den siste samlinga skal kvar student gi ein omfattande presentasjon av eiga oppgåve. Oppgåvearbeidet strekkjer seg over heile studieåret og blir knytt til samlingane på denne måten:

· Samling 1: Val av tema
· Samling 2: Val av problemstilling og utkast til prosjektdesign
· Samling 3: Innsamling og vurdering av data. Disposisjon med utfyllande kommentarar
· Samling 4: Første utkast til masteroppgåve
· Samling 5: Framlegging/presentasjon av masteroppgåva

Pensum
Kvar student skal legge opp eit pensum på minst 2000 sider. Av dette er 1000 sider sams for alle som deltek på kurset. Resten er tilpassa tema for masteroppgåva og skal godkjennast av rettleiaren. Fellespensumet dekkjer grunnlagsproblematikk i samfunnsvitskapane, prosjektdesign, ulike metodiske tilnærmingar og rapportskriving. 

Evaluering
Oppgåva får eigen karakter som kan bli justert etter munnleg.  Ved munnleg eksamen må studentane forsvare oppgåva og svare på spørsmål frå metodepensum. Oppgåva tel to tredelar og munnleg ein tredel når den endelege karakteren for modulen skal fastsetjast. 

Kompetanse
Masterutdanninga vil vere sidestilt med hovudfag, m.a. med tanke på vidare doktorgradsstudium.

Opptakskrav til Integrasjonsmodulen med masteroppgåve
Søkjarane må ha minimum 60 vekttal grunnutdanning og tre godkjende tivekttalsmodular på mastergradsnivå. Ein av desse modulen må vere den obligatoriske Fellesmodulen i samfunnsplanlegging. Søkarar som er cand. mag. eller har utdanning ut over fire år (80 vekttal eller meir), kan få fritak for ein valfri modul, og treng difor berre to godkjende tivekttalsmodular på mastergradsnivå for å søke den avsluttande modulen.

Det er høve til å velje dei valfrie modulane frå ein meny av førehandsgodkjente modular eller søke om å få godkjent andre modular. Modulane må vere på minst ti vekttal og på mastergradsnivå. Det er vidare høve til å søke om innpassing/oppgradering av tidlegare utdanning. Sjå studieplanen for mastergradsstudiet.

Opptaket til den avsluttande Integrasjonsmodulen med masteroppgåve skjer på grunnlag av karakterane som er oppnådde i dei andre mastergradsmodulane som inngår i graden. Oppnådd gjennomsnittskarakter på desse modulane må vere minst 2,7.

Søkarane vil blir prioriterte etter oppnådd gjennomsnittskarakter for dei gjennomførte modulane. Søkarar i opptaksgrupper der det krevst relevant praksis, må dokumentere at dei oppfyller gjeldande praksiskrav. Søkarane bør ha grunnleggande kunnskap i vitskapsteori og forskingsmetode. Vi viser elles til opptakskrava i studieplanen for Master i samfunnsplanlegging.

Studiekostnader
Undervisninga er gratis, men studentane må betale vanleg semesteravgift til høgskulen og avgift til Studentsamskipnaden for Sunnmøre. 

Studiestad
Høgskulen i Volda.

Fagleg ansvarlege
Avdeling for samfunnsfag, Institutt for kommunalfag ved førsteamanuensis Jon Olav Myklebust (hovudansvarleg), professor Jørgen Amdam og førsteamanuensis Roar Amdam.

Meir informasjon
For meir informasjon viser vi til studieplanar, kursomtalar, og søknadskjema som du finn i menyen venstre. Du kan også ta kontakt med høgskulen og be om å få tilsendt informasjon og søknadsskjema.

Søknadsfrist: 15. april (1. mars for førehandsopptak)

Skriv ut