Om Høgskulen / Samfunnsfag og historie / Planlegging og administrasjon / k-leiing / Avdeling for samfunnsfag>

Avdeling for samfunnsfag> P {font-size: 10pt; font-family: "Verdana"; line-height: 12pt; margin-right: 10%; margin-top: 1%; margin-left: 0%} H1 {font-size: 11pt; font-family: "Verdana"; font-weight: bold; line-height: 12pt; margin-left: 0%; margin-top: 1%; margin-right: 10% } A{text-decoration: none;} A:link{color: #0000FF;} A:visited{color:#0000FF;} --> Kommunal leiing

60 studiepoeng vidareutdanning. Kan inngå som valfri modul i mastergradsstudiet i samfunnsplanlegging

Målgruppe

Modulen er i kombinasjon med modulen Offentleg organisering og leiing eigna for studentar med treårig profesjonsutdanning eller anna høgare utdanning som ønskjer å vidareutdanne seg innafor organisering og leiing særleg i kommunal sektor. Det er ønskeleg med praksis frå leiaroppgåver. Modulen er godt eigna for topp- og mellomleiarar og tilsette med ansvar for organisasjonsutvikling i kommunar, fylkeskommunar og stat, samt private foretak og frivillige organisasjonar som arbeider i skjeringsflata med kommunar og anna offentleg verksemd.

Læringsmål

Modulen er retta mot organisering og leiing i kommunar. Den legg vekt på dei utfordringane kommunar står overfor i møte med privat og frivillig sektor, og på relasjonane mellom lokalt demokrati og statlege krav om effektiv styring. Ein prøver å kombinere teori og empiri om organisering og leiing med studentane sine eigne erfaringar med sikte på at studentane skal kvalifisere seg som topp- og mellomleiarar og prosjektleiarar i kommunar og fylkeskommunar. Studentane skal gjennom studiet utvikle:

· kritisk forståing av korleis kommunal verksemd er organisert og verkar
· kritisk forståing av korleis teori og modellar om organisering og leiing kan nyttast som verkty for å oppnå målretta utvikling
· praktisk og godt fagleg fundert handlingskompetanse
· evne til sjølvstendig refleksjon og læring

Innhald og organisering

Undervisninga er konsentrert til fem vekesamlingar fordelt på haust- og vårsemesteret. Kvar samling er sett saman av om lag 15 timar forelesingar og inntil 15 timar gruppearbeid/øvingar/seminar. Dei fem samlingane tek føre seg desse temaområda:

Samling KL1: Kommunal struktur og funksjon. 

Formålet med samlinga er å samanlikne dei norske kommunane sin struktur og funksjon med andre land og på den måten få ei djupare forståing av variasjonar i problem og utfordringar for kommunenivået.

Samling KL2: Endringsprosessar i offentleg sektor.

Ein vil presentere og drøfte aktuelle endringsprosessar som pregar sektoren lokalt, nasjonalt og internasjonalt.

Samling KL3: Den effektive kommunen. 

Her vil ein skape medvet om at effektivitet er eit mangetydig og kontroversielt omgrep, og at kommunal tenesteyting skal tilfredsstille mange til dels motstridande mål, noko som stiller store og ulike krav til god styring.

Samling KL4: Forvaltningsvedtak.

Samlinga tar sikte fordjuping innan visse sider ved forvaltningsvedtak, særleg rettsmidlar, (klage og omgjering) ugyldige vedtak og ulike kontrollordningar (sivilombodsmannen, domstolskontrollen m.m.). Det kan bli aktuelt å ta opp andre rettslege tilhøve som er relevante i kommunal forvaltning.

Samling KL5: Leiarskap for endring.

På denne samlinga vil ein rette blikket mot kommunal leiing i ei framtid der det representative demokratiet og dermed det norske lokalstyret vert utfordra og må tilpasse seg skiftande rammevilkår. I kva organisasjonskulturar og i kva roller vil kommunale leiarar verke? I denne sluttsamlinga kan det bli teke med stoff som er nytt og særleg aktuelt på den tid kurset går.

Undervisningsformer, heimeoppgåver og pensum

Undervisninga er lagt opp med ein kombinasjon av forelesingar, gruppearbeid, presentasjon og drøfting i plenum m.m. Det er lagt vekt på praktiske øvingar med utgangspunkt i deltakarane sine eigne utfordringar. Undervisningsformer som legg vekt på open kommunikasjon og kreativ problemløysing blir prioritert. Det er ein føresetnad at deltakarane driv sjølvstudium mellom samlingane. Studentane får tilbod om å skrive to heimeoppgåver som faglærar kommenterer. Studenten vel sjølv kva for ei av desse han vil levere til eksamen, etter eventuell bearbeiding. Pensum er på omlag 2000 sider.

Eksamen og kompetanse

Eksamen er sett saman av ein 6 timars skriftleg individuell skuleeksamen og ei av heimeoppgåvene. Skuleeksamen tel to tredjedelar og heimeoppgåva ein tredjedel når karakteren blir sett. Stått eksamen gir 30 studiepoengl i høgskulesystemet.

Modulen kan takast i studieløyper fram mot cand.mag.-graden, som del av Eittårig vidareutdanning i kommunal organisering og leiing (Kommunalfag 4), eller som valfri modul i mastergradsstudiet i samfunnsplanlegging.

Eittårig vidareutdanning i kommunal organisering og leiing

Den eittårige vidareutdanninga er sett saman av modulane Offentleg organisering og leiing og Kommunal leiing og utgjer til saman 60 studiepoeng. Dette er ei eittårig vidareutdanning for personar med treårige grunnutdanningar som har eller ønsker å kvalifisere seg for leiarstillingar i kommunal eller anna offentleg eller privat verksemd. Ved opptaket blir det lagt vekt på å sette saman ei gruppe studentar med ulike utdanningar og praksis; dette gir eit meir spennande læringsmiljø. Vidareutdanninga er ein del av høgskulen si satsing på leiarutdanning. Modulen Offentleg organisering og leiing er felles for fleire vidareutdanningar i leiing som er under utvikling ved høgskulen, og som vert retta inn mot andre samfunnsområde, som kyrkje, skule, helse- og sosialsektor.

Opptak

Grunnlaget for opptak er tre år høgare utdanning. Opptakskrava er spesifiserte i studieplanane for kommunalfagstudiet og mastergraden i samfunnsplanlegging. Det blir kravt at modulen Offentleg organisering og leiing skal vere teken før eller vert teken saman med modulen Kommunal leiing. Talet på studentar er avgrensa til 25.

Studiekostnader

Undervisninga er gratis, men studentane må betale vanleg semesteravgift til høgskulen og avgift til Studentsamskipnaden for Sunnmøre. Ut over dette må studentane dekke eigne utgifter til reise, opphald, pensumlitteratur, studieturar m.m., eller eventuelt få arbeidsgivarane til å dekke dei.

Studiestad
Høgskulen i Volda

Fagleg ansvarleg

Avdeling for samfunnsfag, Institutt for kommunalfag ved førsteamaneuensis Roar Amdam, amanuensis Inge Dyrhol og høgskulelektor Klaus Egge (koordinator).

Meir informasjon
For meir informasjon viser vi til studieplanar, kursomtalar, og søknadskjema som du finn i menyen til venstre. Du kan også ta kontakt med høgskulen og be om å få tilsendt informasjon og søknadsskjema.

Søknadsfrist: 15. april (1. mars for førehandsopptak)

Skriv ut