|
Avdeling for samfunnsfag>
P {font-size: 10pt;
font-family: "Verdana";
line-height: 12pt;
margin-right: 10%;
margin-top: 1%;
margin-left: 0%}
H1 {font-size: 11pt;
font-family: "Verdana";
font-weight: bold;
line-height: 12pt;
margin-left: 0%;
margin-top: 1%;
margin-right: 10% }
A{text-decoration: none;}
A:link{color: #0000FF;}
A:visited{color:#0000FF;}
-->
Kriminalitetsførebygging i eit samfunnsplanleggingsperspektiv
10 vekttal (30 studiepoeng) vidareutdanning. Kan inngå som valfri
modul i mastergradsstudiet i samfunnsplanlegging.
Modulen er utvikla i samarbeid med Kriminalitetsforebyggende råd (KRÅD)
og Justisdepartementet.
Målgruppe
Modulen er retta inn mot folkevalde og tilsette i offentleg sektor som: administrasjonssjefar,
sektorsjefar, planleggarar, lokale kriminalitetsførebyggande koordinatorar,
lærarar, sosialarabeidarar, politi- og fengselstenestemenn og tilsette
innan ruseforebyggande sektor og barnevernet.
Læringsmål
Denne tivekttalsmodulen skal:
· gjere studentane i stand til å analysere og tolke kriminalitetsbiletet
nasjonalt og internasjonalt og gje kunnskap om dei vanlegaste årsakene
til kriminalitet
· gje studentane kunnskap om samfunnet sine ulike reaksjonar på
kriminalitet slik at dei kan vurdere desse i eit førebyggjande perspektiv
· gje studentane praktisk handlingskompetanse basert på teori,
metode og erfaring som gjer dei i stand til å i verksette førebyggingsstrategiar
på individuelt nivå og på samfunnsnivå.
Organisering og innhald
Undervisninga er delt på fem vekesamlingar, kvar på inntil fem dagar.Tre
av samlingane vert truleg lagde til Høgskulen i Volda, ei til Oslo-området
og ei til Trondheimsområdet.
Blokk 1 vil m.a. ta opp tema som: ulike former for og årsaker til kriminalitet.
Det vil også bli gitt informasjon og rettleiing om oppgaveskriving.
Blokk 2 tar opp reaksjonar på kriminalitet, med vekt på ulike sider
ved straff.
Blokk 3 rettar seg mot forebygging av kriminalitet på eit overordna nivå,
bl.a. gjennom planlegging.
Blokk 4 rettar søkelyset mot forebygging på individ, gruppe- og
samfunnsnivå.
Samling 5 viderefører tema fra den foregående blokken, gjennom
presentasjonar av studentane sine individuelle heimeoppgåver, kopla mot
rettleiing. Det blir også gitt ein kort repetisjon av sentrale emne som
er tatt opp i modulen.
Tidspunkt for samlingane
Første samling, som er veke 20, vert lagt til Høgskulen i Volda,
og går i dagane 13.- 16. mai (avslutning kl. 12.00). Planlagde veker er
elles vekene 35, 40, 47 og uke 9 i 2003.
Undervisningsformer, heimeoppgåve og pensum
Undervisninga er lagt opp med ein kombinasjon av forelesingar, ekskursjonar, gruppearbeid og
presentasjon og drøfting av pensum m.m. Det er lagt vekt på praktiske øvingar med utgangspunkt i
deltakarane sine erfaringar og utfordringar. Samling nr. fem vil mellom anna innehalde presentasjon av studentane
sine heimeoppgåver med sjølvvalde tema. Heimeoppgåva skal vere eit skriftleg arbeid som drøftar ei
avgrensa problemstilling innanfor rammene til modulen. Studentane kan velje mellom ei teoretisk eller meir
praktisk retta oppgåve. Pensum er på om lag 2000 sider.
Eksamen og kompetanse
Det blir skipa til ein 6 timars skriftleg individuell eksamen om våren for den som ønskjer det.
Ei heimeoppgåve inngår i vurderinga. Heimeoppgåva tel 20% av endeleg karakter. Stått eksamen gir
10 vekttal i høgskulesystemet. Modulen kan m.a. inngå i studieløyper fram mot cand. mag. graden og
i mastergraden i samfunnsplanlegging.
Dei som ikkje tek eksamen, kan få eit deltakarbevis dersom dei har vore til stades på 80 prosent
av samlingane og har fått godkjent heimeoppgåva.
Opptak
Grunnlag for opptak er treårig høgare utdanning. Opptakskrava er
meir spesifiserte i studieplanen for mastergraden i samfunnsplanlegging. Talet
på studentar er avgrensa til 25. SØKNADSFRIST: 15. april 2002.
For søknadsskjema kan du kontakte studiekoordinator Cecilie Wilhelmsen
cw@hivolda.no eller søke via nettet
http://www.hivolda.no/asf/avdelingsside/index.html, ev. ta kontakt med opptakskontoret.
Studiekostnader
Undervisninga er gratis, men studentane må betale vanleg semesteravgift
til høgskulen og avgift til Studentsamskipnaden for Sunnmøre.
Ut over dette må studentane dekke eigne utgifter til reise, opphald, pensumlitteratur,
studieturar m.m., eller eventuelt få arbeidsgivarane til å dekke
desse.
Fagleg ansvarleg
Avdeling for samfunnsfag, Institutt for sosialfag ved førstelektor Alf
Roger Djupvik.
Meir informasjon
For meir informasjon viser vi til studieplanar, kursomtalar, og søknadskjema
som du finn i menyen til venstre. Du kan også ta kontakt med studiekoordinator
Cecilie Wilhelmsen på tlf. 70075231, mail cw@hivolda.no.
Oppdatert 26.02.02 av CW
|
